Home Notisia Veteranus Unidade Seis Apoiu Nesesidade Baziku Hamutuk 414 Ba Familia Kbiit Laek...

Veteranus Unidade Seis Apoiu Nesesidade Baziku Hamutuk 414 Ba Familia Kbiit Laek Iha Suku Laisorolai

194
0
Veteranu Unidade Seis Apoiu Kbiit Laek Sira. [Foto: 07.06.2020]

Reportazen Raimundo Seguerau

Veteranu sira husi Unidade Seis suku Laisorolai, Postu Administrativu Quelicai, Munisipiu Baucau hala’o asaun karidade, hodi apoiu nesesidade baziku hanesan fos saku 138, mina 138 no Mie instan kaixa138 ba familia kbiit laek sira hamutuk uma kain 105, kompsotu hosi aldeia 21, ne’ebe kada uma kain iha nain 5, hosi suku 6 hanesan suku Laisorolai Dexima, Debaixo, Maluru, Abu no Lelalai.

Reprezentante Xefe Suku Unidade Seis Laisorolai no Atual Xefe Suku Laisorolai, Julio “Farkus” Pinto esplika, asaun karidade ne’ebé realiza husi veteranu sira Unidade Seis, hatudu inisiativa di’ak.

Julio hateten Inisiativa ne’e sira halo, tanba sira haree familia kbiit la’ek, la’os ema seluk, maibé hanesan sira nia oan, sira nia maun, sira nia familia no hanesan sira nia funu maluk ne’ebé terus hamutuk iha ailaran durante tinan 24 nia laran.

Nia konsidera, situasaun Covid-19 ne’e afetadu makas ba populasaun sira iha mundu inklui Timor-Leste, liuliu ba Unidade Seis, tan ne’e veteranu sira apoiu sasan ba familia kbiit no apoiu ne’e sei kontinua faze tuir mai.

“Ami xefe suku sira sente orgullu no agradese ba veteranu sira, inisiativa ne’ebé bele responde netik ita nia komunidade kbiit la’ek ninia nesesidade bazika. Nesesidade ida ne’e sustenta ita nia komunidade kbiit la’ek sira, atu augenta moris tanba familia kbiit la’ek mak ema sira ne’ebé labele la’o, labele servisu, labele buka osan”, Xefe Suku agradese.

Xefe Suku mós husu ba veteranu sira iha Unidade Seis, atu nafatin iha unidade nia laran, liu hosi hatudu asaun karidade ba familia kbiit la’ek sira, atu sai forte hodi ajuda familia kbiit la’ek sira seluk.

LEAVE A REPLY

Please enter your comment!
Please enter your name here