Home Notisia RENETIL Hanoin Hikas Lasama, Pe. Juvito: Lasama nia Espritu Moris Nafatin

RENETIL Hanoin Hikas Lasama, Pe. Juvito: Lasama nia Espritu Moris Nafatin

391
0
Fundador RENETIL Fernando Arujo Lasama. [Foto: Copyright google | 07.06.2020]

Reportazen Raimundo Seguerau

Organizasaun Rezistensia Nasional dos Estudantes Timorense (RENETIL) komemora tinan 5 saudozu saudozu Fernando de Araujo “Lasama” ne’ebe fila hikas ona ba Aman Maromak

Liu hosi misa ne’ebe lidera hosi Pe. Juvito do Roge neebe nudar mos militante RENETIL, iha homilia Pe.Juvito haeten Fernando de Araujo “Lasama” mate ona no husik ona ita durante tinan 5 nia laran, maibé ninia espiritu sei hamutuk no akompaña ita nafatin.

“Maun Nando bele mate, maibé ninia espiritu ne’e sei moris”, dehan amu selebrante, Juvito iha nia homilia wainhira prezide misa ba selebrasaun tinan 5 Fernando de Araujo “Lasama” nia mate, iha igreza Balide foin lalais ne’e.

Amu Juvito haktuir, Lasama hanesan fundadór ida ba RENETIL tanba ne’e, maske nia mate ona, maibé RENETIL eziste tenke ba oin nafatin, liu hosi estabelese relasaun ida di’ak entre membru no estrutura sira, entaun atu hadi’ak relasaun ne’e, presiza foka ba buat tolu.

Presiza halo inspesaun, halo observasaun ida ba buat kiik oan, atetude ida, komportamentu ida, liafuan ida. Hirak ne’e presiza halo inspesaun, se buat ruma la’o sala nia laran presiza hadia. Vizilansia ba atividade ida ka servisu, katak iha buat ruma ne’ebé iha RENETIL nia laran presiza haree, tenke haree hamutuk ba buat hotu, entaun ema ida de’it labele haree buat hotu, presiza haree hamutuk, hodi bele distingi no bele halo definisaun.

Terseiru Verifikasaun ba funsionamentu públiku ka espesial, iha norma sira ne’ebé estabelese ona iha RENETIL nia laran, katak presiza halo verifikasaun didi’ak ba norma sira, atu bele kumpre.

Nia subliña, “Presiza mós halo introspesaun katak observasaun ba konsiensia individual feita ba ninia-an katak buat ruma ne’ebé ita halo ladi’ak ita rasik mak tenke hatudu ita nia-an katak hau halo sala no halo analiza”.

Entertantu, Fundadór RENETIL, Carlos Saky hateten, maske Lasama mate ona, maibé ninia espiritu determinasaun, abnegasaun no luta ba Timor-Leste ninia ukun rasik-an forte tebes, tanba ema ida ne’ebé iha responsabilidade makas, liuhusi ninia sakrifisiu ba buat hotu no iha espiritu sosiál.

“Buat ne’ebé mak ami aprende hamutuk mak ne’e, primeiru ita tenke interese povu no nasaun iha oin. Dalaruma sakrifika familia, sakrifika servisu, sakrifika estudu. Tanba iha funu laran ami hotu komunga antes sem titulu duke sem patria. Entaun barak husi ami, ladun importansia ba estudus ou hetan titulu tanba ami hanoin katak ukun-an ne’e importante liu duke titulu ida tanba titulu ne’e ita bele hetan iha sa tempu de’I, maibé ukun rasik-an ne’e ita lakonsege, susar ita hetan hikas”, nia asplika.

Neon Metin husu, se karik Lasama sei moris saida mak sei halo ba iha situasaun agora, nia dehan, “se Lasama sei iha, nia sei buka lider istoriku sira ne’e hotu, oinsa dada sira hamutuk para ko’alia ba malu, hodi hakat liu impase sira ne’ebé mak ita nia rain agora hasoru”.

Print Friendly, PDF & Email

LEAVE A REPLY

Please enter your comment!
Please enter your name here