Home EduTek Espoza Prezidente da Republika Vizita ETDA Hodi Kria Kooperasaun

Espoza Prezidente da Republika Vizita ETDA Hodi Kria Kooperasaun

153
0
espoza Prezidente da Repub;lika ba iha ETDA. [Foto: Santina Lucia da Costa | 25.07.2020]

Reportazen Santina Lucia da Costa

Espoza Prezidente Republika Francisco Guterres Lu-Olo, Cidalia Nobre Mouzinho Guterres vizita Centru Formasaun East Timor Development Agency (ETDA), ho objetivu atu hare gabineti bele serbisu hamutuk h ETDA, hodi fo apoiu iha area balun tuir kbiit gabinete nian.

“Hau nia vizita ida ne’e, atu mai haree no besik liu tan konaba sentru formasaun ETDA ninian, ne’ebe mak fo ona formasaun ba Timoroan lubuk ida, joven sira ne’ebe mak mai tuir kursu, hakarak hili area sira ne’ebe mak tuir, entaun joven sira ne’ebe tuir kursu ne’e, hotu-hotu sai ba, hetan oportunidade ba aplika hatudu saida mak sira hetan iha fatin ETDA”, hateten Cidalia Nobre Mouzinho Guterres ba Jornalista sira iha ETDA, Fatuhada, Dili, Loron, 24/7.

Cidalia Nobre akresenta ETDA ne’e kualidade di’ak teb-tebes, tanba haree husi rezultadu ne’e, tuir informasaun ne’ebe mak hau simu katak, joven sira ne’ebe mak hetan formasaun oioin iha ne’e, kuaze sira ba priensu hotu, serbisu sira ne’ebe mak iha fatin sira ne’ebe mak sira hakarak atu ba, ne’e hatudu katak sira iha vontade atu aprende.

Cidalia afirma papel edukasaun iha rua mak hanesan formal no naun-formal, sira ne’ebe mak kontinua eskola ka remata ona, wainhira sira seidauk iha serbisu ruma buka oportunidade tuir kursu ruma, tanba iha fatin barak iha kursu, importante mak aproveita.

Iha fatin hanesan Jestor Senior ETDA, Januario Mok, hateten vizita ne’e espesial teb-tebes hodi koalia konaba kooperasaun entre ETDA ho gabinete espoza Prezidente da Republik hodi fasilita programa balun.

“Saida mak ami bele fo intermus capacity building ba timoroan, oinsa atu hakbiit joven sira iha abilidade, prepara joven ho treinu vokasional maibe ho skill”, hateten, Jestor sunior ETDA, Januario Mok.

Jestor Senior ETDA hateten pakote oioin iha formasaun hanesan kursu Ingles, administrasaun, jestaun, lideransa, finansas, pakote hanoin kreativu, ospitalidade ne’e konsiste ami iha ne’e 600 oras, maibe ne’e pakote involve por-ezemplu kursu ne’ebe nivel kualifikasaun nian ne’ebe sira tenki remata, depois softkius mak hanesan serbisu konaba etika serbisu, ijiene pesoal, seguransa serbisu fatin, komunikasaun di’ak, valores, integridade, onestidade, formasaun sira ne’e kobre iha laran hotu.

Januario Mok dehan husi 2017 to’o agora, sira iha 600 estudantes ne’ebe mak iha ne’eba, husi 600 ne’e 70% mak hetan serbisu, no balun kria sira nia serbisu rasik.

LEAVE A REPLY

Please enter your comment!
Please enter your name here