Home Notisia Komunidade Aldeia Hermeik Lao Distansia Dook Hodi Kuru Bee, Joao: Sedauk Sente...

Komunidade Aldeia Hermeik Lao Distansia Dook Hodi Kuru Bee, Joao: Sedauk Sente Ukun-an

229
0
Labarik mana kuru bee iha mota ninin iha Aldeia Hermeik-Aileu. [Foto: Adalgisa Pereira | 25.07.2020]

Reportazen Adalgisa Pereira

Bee mak ema nia moris, bainhira ema la asesu bee signifika ema sei iha mukit no kiak nia laran. Bee nudar nesesidade baziku ne’ebe importante tebes, maibe nafatin sai problema tanba komunidade barak sei moris halerik ba bee moos.

Komunidade sira iha area rural sei hasoru susar, hodi asesu bee moos iha sira nia hela fatin, ida ne’e akontese iha aldeia Hermei, Suku Boklelo iha Municipiu Aileu, desde ukun-an to’o ohin loron, sira kontinua moris mukit tanba tenke kuru bee ho distansia dook.

Neon Metin dadalian ho komunidade Cornelio Saldanha ne’ebe hasoru problema iha nia moris tanba labele asesu bee moos.

“Banhira ami atu asesu ba bee moos, tenke lao ain kilometru rua,  foin asesu ba bee moos maibe dadaun ne’e ami konsumu bee iha mota ninin ne’e”, dehan Cornelio Saldanha

Iha fatin hanesan Xefe Aldeia Hermeik, Joao de Carvalho hatoo sentiment triste ba Neon Metin katak sedauk sente ukun-an, tanba komunidade ne’ebe hela iha suku Buklelu sedauk asesu bee moos

Sente triste tamba ukun an tinan 20 ona maibe komunidade sira seidauk sente ukun an ida ne’e  tamba  komunidade ne’ebe hela iha suku Boklelo  seidauk asesu ba bee moos.

“Komunidade lao ain ho distansia 20 metru mak foin asesu ba bee matan no tempu bailoron komunidade balun asesu bee mota hodi konsumu, maibe tempu udan sira hein mota menus hafoin sira hakur mota, hodi ba kuru iha bee matan nee katak banhira ema atu hemu bee moos, lori mate mak hemu bee moos” dehan Xefe Aldeia Joao De Carvallo iha suku Boklelo, aldeia Hermeike (22/7)

Ho problema hirak ne’e Xefe Aldeia ezije ba governu atu lao hamutuk ho matadalan PNDS nian, hodi aselera lalais ba survey ba bee matan ne’ebe PNDS halo ona, hodi nune’e komunidade bele asesu ba bee moos ho distansia ne’ebe besik.

LEAVE A REPLY

Please enter your comment!
Please enter your name here