Home Notisia Ekipa Susesu Lu-Olo Identifika Kandidatu PR Horta Halo Hoax Barak Liu

Ekipa Susesu Lu-Olo Identifika Kandidatu PR Horta Halo Hoax Barak Liu

196
0
Kampanha fretilin ba kandidatu Pr, Lu Olo. [Foto: Doc.FRETILIN | 15.03.2022]

Reportajen Adroaldo ‘Saretukau’

Ekipa susesu Kandidatu Prezidente Repúblika, Dr. Francisco Guterres Lu-Olo liu hosi komunikadu imprensa hato’o sira nia identifikasaun durante kampaña eleitorál, polítiku sira hato’o sira nia polítika ho adversáriu hodi manan votu liu hosi habelar informasaun hoax ka lia-bosok, iha polítiku balun mós eduka nia votante sira. Iha identifikasaun ne’e ekipa susesu Lu-Olo identifika kandidatu PR Ramos Horta ho Xanana Gusmão mak uza hoax barak liu.

Iha karta komunikadu ne’ebé Neon Metin asesu (14/03) hatete bain-bain polítiku sira matenek tebes foti faktu balun de’it husi akontesimentu ida, atu hatudu verdade maibé la fo sai verdade ne’e tomak.

“Partidu polítiku ida ne’ebé uza hoax barak liu iha ni-nia kampaña mak CNRT, hahú kedas husi informasaun konaba krize 2006/2007 to’o ohin loron. Prátika hoax ne’e intensifika liutan ho estabelesimentu media sekretu, CNRT Media Center, ne’ebé ema hotu deskonfia katak partidu CNRT nian,” karta komunikadu.

Karta komunikadu haktuir tan ekipa susesu kandidatu Lu-Olo durante kampaña ne’e identifika katak produsaun hoax barak liu mai husi kampaña kandidatu Prezidente Repúblika Ramos Horta no Xanana Gusmão, ho objetivu atu hatún kandidatu númeru 6. Kampaña kandidatu Prezidente Repúblika Ramos Horta halo atake ba kandidatu Francisco Guterres Lu-Olo, nu’udar violador ka furador Konstituisaun.

“Xanana Gusmão no Ramos Horta bolu Francisco Guterres “Lu-Olo” violador ka furador konstituisaun maibé nunka temi artigu no faktus ne’ebé viola. Maibé husi kampaña ita bele konklui katak violasaun konstituisaun CNRT refere ba Prezidente Repúblika la fo posse ba membru CNRT atu halo parte VIII Governu, la aseita pedidu demisaun Primeiru Ministru no la aseita CNRT ninia koligasaun foun atu forma lX Governu.”

Iha karta ne’e hatete CNRT haluha tiha katak tuir konstituisaun, Prezidente Repúblika mak iha kbiit mesak konaba prosesu nomeasaun no fo pose ba membru Governu hafoin simu proposta husi Primeiru Ministru. La nomea ba membru Governu ne’e akontese tiha ona ho Prezidente Republika uluk sira.

Ekipa susesu dehan la’os foin akontese ho Prezidente Lu-Olo,  Xanana Gusmão hatudu tiha ona katak nu’udar Prezidente Repúblika, iha kbiit konstitusionál atu la nomea kuadru FRETILIN ne’ebé propoin husi Partidu FRETILIN, hodi kaer knaar nu’udar Primeiru-Ministru ll Governu Konstitusionál, no Prezidente Repúblika Taur Matan Ruak, la simu proposta nomeasaun ba  Domingas Fernandes Alves ne’ebé Primeiru Ministru Xanana Gusmão indijita, atu kaer knaar nu’udar Ministra Defeza, iha V Governu Konstitusionál.

Print Friendly, PDF & Email

LEAVE A REPLY

Please enter your comment!
Please enter your name here