Home Justisa JU,S Fo Fiar Ba Autoridade Implementa Detensaun Ba Arguido Sidadaun Estranjeiru, La...

JU,S Fo Fiar Ba Autoridade Implementa Detensaun Ba Arguido Sidadaun Estranjeiru, La Marka Prezensa Iha Julgametu Abuzu Sexual Hasoru Labarik

800
0

Iha loron 20 Dezembru, Tribunal Distrital Dili, bazeia ba pediduu hosi Ministériiu Públiku, hasai mandatu detensaun ba estranjeiru ho nasionalidade Australiana hanesan arguidu ba krime abuzu seksuál hasoru labarik.

Tuir komunikadu imprensa ne’ebe Neon Metin asesu husi Jurídico Social (JU,S) informa katak julgamentu ba arguidu devia hahú iha loron 20 Dezembru, maibé arguidu no ninia defensór públiku la marka prezensa iha Tribunál.

JU,S Jurídico Social hanesan assistente iha kazu abuzu seksuál ida-ne’e. Kazu refere envolve mane ida estranjeiru, hosi nasionalidade Australiana. Estranjeiru ne’e hetan akuzasaun hosi Ministériu Públiku ba krime abuzu seksuá ho labarik dala 100, bazeia ba artigu 177, nú. 2 hosi Kódigu Penál.

Kazu refere ba vítima sira ne’ebé labarik feto ho tinan 9 no 14 nia laran, ne’ebé baibain frekuenta uma hosi arguidu. Akuzasaun haree ba krime ne’ebé akontese iha tinan 4 nia laran.

Kazu kontra arguidu Australianu investiga iha Timor-Leste bazeia ba informasaun hosi Polísia Austrália sira, no hetan kooperasaun másimu hosi PNTL.

“JU,S Jurídico Social ne’ebé reprezenta vítima sira iha kazu refere espera katak justisa iha Timor-Leste sei asegura prezensa arguidu iha julgamentu. Timor-Leste labele sai rai destinu ba ema estranjeiru ne’ebé mai halo abuzu seksuál hasoru ita-nia labarik sira.” – deklara Maria Agnes Bere, sósia hosi JU,S Jurídico Social

Maria Agnes Bere kontinua deklara katak “JU,S haksolok katak Ministériu Públiku, bazeia ba ami-nia ezijénsia, promove ona pedidu mandatu detensaun no Juiza deklara kedas durante audiénsia”.

JU,S Jurídico Social nia atuasaun bazeia ba knaar Assistente iha ámbitu Kódigu Prosesu Penál. JU,S mós husu boot komunidade tomak no jornalista atu kaer metin prinsípiu segredu justisa iha kazu refere no kompreende katak autoridade judisiáriu sei labele fó-sai identidade hosi vítima ka informasaun seluk relasiona ho vítima. JU,S sempre halo esforsu boot atu garante interese a’as liu vítima sira-nian, inklui konfidensialidade ba sira-nia identidade no sei ezije respeitu ida ne’e hosi parte hotuhotu, inklui Tribunal, defeza arguidu no mídia.

Print Friendly, PDF & Email

LEAVE A REPLY

Please enter your comment!
Please enter your name here