Home Saude Husi Tinan 2003-2021 MS Rejista Moras HIV/SIDA Total 1.464, nain 234 Lakon...

Husi Tinan 2003-2021 MS Rejista Moras HIV/SIDA Total 1.464, nain 234 Lakon Vida

223
0
Prezidente Institutu Nasionálál Kombate HIV/SIDA, Atanásio de Jesus. [Foto: Joselina | 13.01.2022]

Reportajen Joselina dos Santos

Durante ne’e Ministériu Saúde rejista ona kazu virus HIV/SIDA hahú iha tinan 2003 to’o Setembru 2021, kumulativu kazu konfirmadu hamutuk 1.464, husi númeru ne’e ema na’in 234 mak lakon vida no ema na’in 719 hala’o hela tratamentu iha Sentru Saúde Vera-Cruz, Klínika Bairo-Pite, Hospital referral lima, HNGV, no restu ekipa sira sei halo dropout.

Hafoin remata abertura, Prezidente Institutu Nasionálál Kombate HIV/SIDA, Atanásio de Jesus hateten  sira mai ho objetivu ida atu fahe  informasaun relasaun ho HIV/SIDA nian, ba  joven foun sira ne’ebe mak foin envolve iha kadetes Bombeiru nian, hodi nune’e sira bele komprende no iha koñesimentu ne’ebe di’ak, liu-liu halo prevensaun ba ida-idak nia-an.

Kadete Bombeiru sira ne’e sai hanesan forum P3k, tanba  ne’e sira mak tenke ajuda ema primeiru wainhira ema ruma hetan kualker  asidente hanesan ahi han uma no tasi sa’e.

“Virus HIV/SIDA ne’e la’os da’et de’it liu husi relasaun sexual, maibe ita nia ajuntu sosial ne’ebe ita halo bele mos kona maluk sira ne’ebe halo atividade soaial nian,” Dehan Prezidente Institutu Nasionál Kombate HIV/SIDA, hafoin abertura ba Jornalista sira iha Bombeiru Kaikoli, 01/01.

Nia hatutan tanba ne’e Institutu HIV/SIDA Kombate sira Ohin loron dahuluk tinan 2022 hahú hala’o atividade iha  Bombeiru. Tanba  iha kordenasaun ne’ebe di’ak entre lideransa másimu bombeiru nian ho institutu Nasionálál kombate sira.

Tuir Planu institutu kombate HIV/SIDA  ne’e sei ba Munisípiu no ba nivel Suku liu-liu ba aldeia iha área remota sira. Nune’e bele  fahe informasaun ba  komunidade sira ne’ebe maka menus liu informasaun, atu nune’e sira mai tuir atividade iha Nasionál karik sira bele hatene di’ak hodi bele halo prevensaun ba sira nia aan rasik.

“Mekanizmu ne’ebe ami sei uza mak halo sensibilizasaun modernu ne’ebe  makaas liu,  atu nune’e tantu aldeia suku Munisípiu Eskola Juventude  no Igreja sira hodi asesu hodi bele koko sira nia ran iha Hospital atu bele deteta sira nia status Virus HIV-SIDA ka la’,e se pozitivu bele tama iha akonselamentu hodi halo tratamentu,” tenik nia.

Iha fatin hanesan, Direitór Nasionál Bombeirus Claudio Silva hatutan hanesan servisu operasionál sira sente interesante tebes tanba bele hetan informasaun deziminisaun informasaun kona-ba  saida mak HIV/SIDA.

“Tanba durante ne’e ita rona hela  Virus HIV/SIDA ne’e,  maibe ita la dun fokus ba moras ida ne’e fokus liu mak Covid-19, entaun ha’u hanoin  agora tempu to’o ona atu ita tau atensaun ba moras sira ne’ebe afeta ou fo ameasa ba ita nia saúde, ho ida ne’e  ami hanoin iha bombeirus presiza tebes informasaun sira hanesan ne’e no mos ba membru sira,”

Diteitór ne’e dehan daudaun ne’e kadete foun hamutuk ema na’in 60, mak tuir hela formasaun durante fulan ida, tuir loloos formasaun ne’e hala’o durante fulan tolu maibé faillansu tékniku oituan, ho nune’e mak sira hala’o fulan 1 de’it no fulan rua nian sei mai. Tanba maske formasaun no sensibilizasaun  parte relevante hala’o ona, maibé moras nafatin rejistu ho numeru a’as.

Ofisial Moras Hada’et Husi Relasaun Sexual (MHRS), David de Jesus Verdial hatete tuir dadus Ministeriu Saúde  rejista Kazu virus HIV/SIDA hahú iha tinan 2003 to’o Setembru 2021, komulativu kazu konfirmadu hamutuk 1.464 husi numeru ne’e, ema na’in 234 mak lakon vida no ema na’in 719 hala’o hela tratamentu iha Sentru Saúde Vera-Cruz, Klinika Bairo-Pite, Hospital referal lima HNGV, no restu ne’e  ekipa sira sei halo dropout.

Print Friendly, PDF & Email

LEAVE A REPLY

Please enter your comment!
Please enter your name here