Home EduTek AHDMTL Fó Formasaun Letra Braille Ba Ema Ho Defisiénsia Matan, Prepara Tuir...

AHDMTL Fó Formasaun Letra Braille Ba Ema Ho Defisiénsia Matan, Prepara Tuir Edukasaun Formal

189
0
AHDMTL Fó Formasaun Letra Braille Ba Ema Ho Defisiénsia Matan. [Foto: Umbelina | 13.01.2022]

Reportajen Umbelina dos Reis

Asosiasaun Halibur Defisiente Matan Timor-Leste (AHDMTL), iha tinan 2022 ne’e fó formasaun letra Braille ba ema  defisiénsia hamutuk 24, kompostu hosi feto 12 no mane 12, hodi prepara sira ba iha edukasaun formal sira.

Prezidente Konsellu Fiskál, Gilberta dos Santos Pereira hateten ema defisiénsia matan hamutuk 24 ho mane 12, feto 12 mak tuir formasaun ba letra Braille iha tinan 2022 ne’ebé fasilita hosi AHDMTL.

“AHDMTL iha Programa ne’ebé iha misaun sira hotu ho klaru hodi defende no promove direitu no ema difisiénsia atu sai husi analfabetizasaun, atu defisiénsia matan liu husi faze ida hatene lee no hakerek, meius ida mak ema defisiénsia matan tenke liu husi hatene letra Braille,” hatete Gilberta.

Nia hatutan sei iha formasaun seluk ba difisiénsia matan atu tuir, tanba ne’e liu hosi letra Braille sira bele koñese hakerek no lee, atu nune’e sira bele asesu ba edukasaun formal.

Nia hatete hasa’e ema difisiénsia sira nia koñesimentu no kapasidade no mós kadi talentu ruma ne’ebé sira iha, labele izola sira iha uma de’it hodi labele iha diskriminasaun iha komunidade nia leet.

“Realidade katak ita ema umanu hanesan de’it, objetivu hasai sira hosi alfabetizasaun la hatene lee no hakerek, maibé tenke hasa’e sira nia kapasidade, koñesimentu liu husi formasaun letra Braille ne’ebé AHDMTL prepara ho programa ne’ebé klaru,” tenik Gilberta

Formasaun ne’e iha etapa tolu, dahuluk mak aprende letra Braille, nune’e mos hodi koñese ezistensia husi AHDMTL no nia estrutura, faze daruak sira tama ba pre-intermédiu katak sira hatene ona ekipamentu Braille no sasan sira ne’e uza letra Braille, pois mak sira koñese letra Braille.

Iha parte sorin Diretór Ezekutivu AHDMTL, Gaspar Afonso informa tan katak, formasaun ida ne’e atu korre ema defisiénsia matan sira ho progresu internu ba edukasaun.

“AHDMTL atu promove hodi hateten ba públiku katak, ami defisiénsia matan ne’e la’os labele halo buat ida, maibé oportunidade no abilidade ba ami mak laiha,” Dehan Gaspar Afonso.

Nia hakotu hodi dehan, formasaun ne’e fornese ba sira hanesan letra braille mobiliáriu, língua komputador, dansa kultura, poezia no teatru. Liu husi atividade sira ne’e hatudu ba sosiedade katak, defisiénsia matan mos bele.

Print Friendly, PDF & Email

LEAVE A REPLY

Please enter your comment!
Please enter your name here