Home Notisia Presidente CI Husu Graduadus Halo Diferensa Iha Sira Nia Instituisaun

Presidente CI Husu Graduadus Halo Diferensa Iha Sira Nia Instituisaun

150
0
(Foto: Conselho Imprensa)

Reportajen Ruben ‘Hamas’ & Mendes ‘Haksolok’

Preisdente Conselho Imprensa (CI), Virgilio da Silva Guterres expresa ninia esperansa ba graduantes sira hodi kontinua kontribui ba sira nia instituisaun no halo diferensa iha sira nia servisu. Husu mos atu halo tuir kode etika jurnalizmu nian.

Iha fatin seremonia graduasaun Programa Treinamentu Jornalizmu Komprensivu, iha Timor Plaza, Suai Room horiseik (17/01), Preisdente CI, Virgilio da Silva Guterres expresa ninia esperansa ba graduantes sira.

“Ha’u nia esperansa ba maluk graduantes 23 ne’ebé mak ohin  simu ona sertifikadu bele kontribui ona ba sira nia instituisaun ida-idak, katak sira bele marka diferensa iha ne’eba. Sira marka diferensa liu hosi foto jornalizmu, no video jornalizmu, sira bele uza iha ne’eba. Sira mós hatene ona oinsa halo  debate televisivu. Sira mós ba visita merkadu, no sira mós hatene maismenus oinsa atu asesu ba fontes sira. Ne’e ha’u hanoin importante ba responsabilidade  Conselho Imprensa nian. CI no UNDP sei kontinua loke oportunidade ba jornalista sira ba etapa datoluk nian, hodi hasa’e no haluan kuinesementu iha area jornalizmu”, dehan Virgilio iha ninia lia makloke seremonia graduasaun.

“Hau iha esperanza bo’ot ba jornalista sira ne’ebé ho kuinesementu luan ou klean ba jornalizmu nian, bele kontribui ba produsaun konteúdu  obra jornalizmu ida ne’ebé ke’e diak, liu-liu konteúdu tuir etika kode jornalizmu ninian, katak tenke iha balansu, iha rigor no fontes tenke klaru, ida ne’e mak ha’u nia esperanza”, Virgilio hatete tan..

Nia hatutan dehan, “tanba Ita atu hakerek diak ou atu koa’lia diak ne’e  depende ba kuiñesementu ne’ebé ita esplora liu husi  formasaun, no liu husi leitura sira ne’ebé ita lee, nomos esperiensia komitiva ne’ebé ita moris loro-loron.I da ne’e de’it mak ita bele apresina ba ita nia obra.”

Formador hosi Japao, Yuichi dehan katak nia sente kontente tebes ba partisipante sira,  tanba sira bele tuir  ona formasaun komprensivu ne’e ho durasaun fulan ha’at ne’e ho diak no susesu. Tinan kotuk ami konvida formador sira husi rai liur mak fó formasaun no tekniku diak los. Maibe agora ita troka fokus ba lokal Timor-Leste, ita analiza ita nia kapasidade no partisipantes nia kapasidade depois ita hanorin ho ida ne’e ha’u hanoin  treinador sira bele hanorin diak liu no partisipante sira bele intende diak liu.

Jornalista media ne’ebe partisipa iha kursu ne’e mai hosi medía Online, printing media, TV, medía Radio komunidade, no mos estudante Departementu Komunikasaun Sosial husi UNTL no UNITAL. Espera sira hotu iha futuru sira mak sai matan, tilun no ibun hodi defende lia los bodik ba povo Timor-leste no diak ba nasaun.

Serimonia graduasaun Treinamentu Jornalizmu Komprensivu (TJK) ne’ebe realiza husi Conselho Imprensa no UNDP halao horiseik (17/01) iha Timor Plaza, Suai Room.Programa ne’e hamutuknohetan suportafinanseiru hosi povoJapão. Treinamentu ne’e organiza hosi Conselho Imprensa.

LEAVE A REPLY

Please enter your comment!
Please enter your name here