Home Notisia Jornalista Neon Metin 2 Gradua hosi TJK

Jornalista Neon Metin 2 Gradua hosi TJK

174
0

Primeiraves jornalista Neon Metin nain 2 hetan Treinamentu Jornalizmu Komprensivu (TJK) hosi Conselho Imprensa. Media online Neon Metin kontinua iha esperansa ho susesu jornalista nain 2 ninian.

Estudante ne’ebe mak gradua hosi treinamentu ne’e hamutuk nain 23, inklui jornalista nain 2 hosi media online Neon Metin, Ruben dos Santos ho  Jornalista Neon Metin, Ruben dos Santos, hatete iha intervista katak treinamentu ne’e fo enerjia atu nia kontinua ninia servisu nudar jornalista.

“Programa Treinamentu Jornalizmu Komprensivu ne’e bele kapasita ami. Formador Nacional no Internacional sira nia matenek ne’ebé iha fahe mai ami. Ne’e hanesan bu’ukae ida ka enerjia, atu nune’e ba futuru hodi servi ba Rai doben Timor-Leste”, dehan Ruben.

“Treinamentu Jornalizmu Komprensivu (TJK) ne’e kapas tebes. Bele fasilita ami ho modulu sanulu resin, ne’e halo ha’u intersante tebes liliu iha parte dadus jornalismu nian. Tanba durante ne’e iha medía Timór-Leste seidauk fó sai nutisia ho dadus grafiku”, Ruben hatutan.

Iha fatin hanesan, Jornalista Neon Metin, Nogueira ‘Haksolok’ haktuir katak, “CI ne’ebé serbisu hamutuk ho PNUD, iha programa Kursu Jornalizmu ne’e ho planu pulitiku ne’ebé kapas tebes. Kursu ne’e bele fó oportunidade ne’e mai no sai matadalann mai ami hodi implementa iha futuru nu’udar servidor ne’ebé moris hanesan jornalista iha Timor-Leste.”

Xefe Redasaun Neon Metin, Fernando da Costa, liu hosi intervista via telefone hatete katak nia haksolok ho susesu ne’e jornalista Neon Metin nain rua hetan. Tan ida ne’e mak treinamentu oficial dahuluk ne’ebe partisipa hosi jornalista Neon Metin. Espera jornalista sira seluk bele hetan opurtunidade hanesan iha futuru.

Jornalista media ne’ebe partisipa iha kursu ne’e mai hosi medía Online, printing media, TV, medía Radio komunidade, no mos estudante Departementu Komunikasaun Sosial husi UNTL no UNITAL. Espera sira hotu iha futuru sira mak sai matan, tilun no ibun hodi defende lia los bodik ba povo Timor-leste no diak ba nasaun.

Serimonia graduasaun Treinamentu Jornalizmu Komprensivu (TJK) ne’ebe realiza husi Conselho Imprensa no UNDP halao horiseik (17/01) iha Timor Plaza, Suai Room.Programa ne’e hamutuk nohetan suportafinanseiru hosi povoJapão. Treinamentu ne’e organiza hosi Conselho Imprensa.

 

LEAVE A REPLY

Please enter your comment!
Please enter your name here