Home Notisia PN Aprova Orsamentu Ba Eis-Organizasaun Resistensia Sira

PN Aprova Orsamentu Ba Eis-Organizasaun Resistensia Sira

559
0
Segundo Vice Sekretariu Jeral RENETIL, Natalia Aparicio, iha Demonstrasaun, iha Jakarta

Proposta ba husu OGE 2019 hodi apoio eis-organizasaun resistensia sira hetan vota aprovadu iha Parlementu Nasional. OJECTIL, OPJLATIL, FITUN, RENETIL, OPJT, OPMT, no organizasaun resistensira sira seluk seiduak bele hetan apoio OGE.

Segundo Vice Sekretariu Jeral, Natalia Aparicio, bainhira konfirma kona ba aprovasaun ne’e hatete katak aktu aprovasaun ne’e hatudu seriedade governo nian hodi kontinua fo apoio ba organizasaun resistensia sira.

“Saida mak PN halo ohin meudia nudar asaun importante ida hodi hatudu komitmentu estadu hodi fo apoio ba misaun kontiua hosi RENETIL no mos organizasaun sira seluk. Ba RENETIL, ida ne’e atinjimente ida hosi servisu estrutura RENETIL periodu ida ne’e nian tanba militante ida-idak hatene hola sira nia papel hodi promove papel RENETIL nia misaun hodi liberta povo ida ne’e,” Natalia hato’o ho klaran haksolok.

Proposta orsamentu ba organizasaun resistensia sira ne’e propoin hosi Deputadu Partido Demokratiku (PD), Antonio Conceição, Asanami Sabino, mak nudar mos militante RENETIL, no Deputadu Marito Mota, hosi Bankada FRETILIN, nudar fundador ba FITUN hato’o proposta orsamentu ida iha Parlementu Nasional ohin, 12/12, hodi husu governo tau iha Orsamentu Geral Estadu (OGE) hodi fo apoio ba organizasaun rezistensia sira. Iha proposta ne’e Deputadu Antonio hatete katak nia hato’o proposta ne’e ho obejtivo  atu governo apoio organizasaun resistensia sira, para depois sira bele kontinua halo sira nia misaun no sai parseiru ba dezenvolvimentu.

Votus Afavor ba proposta apoio OGE ba organizasaun resistensia ne’e hamutuk 61, vota kontra 1, no abstain 2.

RENETIL nia Konresu VII, 17 Marsu 2018, halo iha CCD halo resolusaun ida hodi husu apoio orsamentu estadu ba organizasaun resistensia sira mak sei kontinua halo sira nia misaun libertasaun povo. Kongresista sira konsidera katak misaun organizasaun resistensia nian sira seidauk hotu. Importante ba organizasaun sira ne’e atu kontinua halao sira nia servisu hodi halo edukasaun sidadania, haburas sintidu nasionalizmu no patriotizmu.

Proposta hanesan hato’o hosi Deputadu Antonio da Conceição, fulan hirak liuba, ba orsamentu estadu 2018 nian, maibe la hetan aprovasaun hosi Parlementu Nasional.

 

LEAVE A REPLY

Please enter your comment!
Please enter your name here