Home Notisia Komunidade Aldeia Amanu’un-Laclubar La Asesu Eletrisidade To’o Agora

Komunidade Aldeia Amanu’un-Laclubar La Asesu Eletrisidade To’o Agora

665
0
Aldeia Amanu’un, suku Manelima, Posto Adiministrativu Laclubar, Municipiu Manatuto. [Foto: Joanina | 03.05.2021]

Reportazen Joanina Casamiro

Iha Tempu Portugues nia ukun to’o ohin loron Timor ukun-an maibe komunidade iha Aldeia Amanu’un, suku Manelima, Posto Adiministrativu Laclubar, Municipiu Manatuto sedauk asesu eletrisidade.

Tuir estudante Aurelia Soares hanesan mós komunidade iha suku Manelima, Aldeia Aman’un katak eletricidade durante tinan barak ona governu nungka tau matan.

“Ami iha aldeia ida ne’e to’o ohin loron, ita ukun-an durante tinan 20 liu ona maibé ami sente hanesan ita seidauk ukun-an, hanesan estudante fó impaktu bo’ot mai ami, tamba wainhira ami ba eskola mak ami simu traballu ruma husi professor sira karik, ami tenke sunu-lilin de’it mak hodi prense ami nia traballu, tanba ami nia eletricidade seidauk tama to’o agora”, dehan Aurelia ba Neon Metin 02/05.

Aurelia dehan bainhira mak governu sira bele tau matan ba aldeia ne’e. nia husu ba nain ulun sira, “la husu buat barak, ami husu deit nain ulun sira tau matan netik hodi monta eletrisidade, nune’e aldeia Amanu’un bele sente moris iha naroman nia laran.

Iha sorin seluk Xefe Aldeia, Anibal Soares dehan katak tinan barak nia laran ona aldeia ida ne’e seidauk asesu ba eletrisidade.

“Hau sente triste tanba iha tinan 2017 husi parte governu balu mai promote katak atu hadi’a eletrisidade iha ne’e,  maibé to’o ohin loron laiha lia-fuan ruma husi governu, atu mai dehan ba povu sira kona-ba eletrisidade, komunidade sira nungka rona resultadu ida to’o agora.  Ita tama ona tinan 2021 mais seidauk rona buat ida husi governu”, dehan Anibal.

Print Friendly, PDF & Email

LEAVE A REPLY

Please enter your comment!
Please enter your name here