Reportajen Calisto dos Santos Oqui
Universidade da Paz hamutuk ho orador prinsipal Dr.Jose Ramos Horta realiza seminariu iho tema “Dezafius no Oportunidade iha Timor-Leste”.
Iha seminariu ne’e Dr.Jose Ramos Horta hateten dezafiu sira ne’ebe iha mak fo prioridade hodi hadia instituisaun sira, respeita ho rigoroju ba interpretasaun Konstitusaun, liu-liu poderes sira Prezidente nia liman, goveru no Parlamentu Nasional.
“Karik hau eleitu sai Prezidente Republika mak fo prioridade ba asuntu rai, agrikultura, edukasuan, formasaun teknika professional, saude tanba importante liu”, dehan Dr. Jose Ramos Horta, iha salaun UNPAZ, 30/03.
Nia hatutan prioridade ba rekursu umanus tenke iha dixipilina no seriedade ba ita nia responsabilidade nu’udar membru ASEAN
“Hau hakarak iha tempu badak Timor bele tama ona ba ASEAN,maibe ita seidauk prontu 100%, por ezemplu Timor tenke iha ospital modernu foun hanesan ho Singapura nian, tenke iha aero portu internasional foun, tamba avião lubuk boot ida sei tama iha ne’e wainhira ita tama ba asian.” Dehan Horta
Horta hateten papel prezidente hanesan mos Embaixador ida iha mundu, bele ba Indonensia bele ba haleu ASEAN tomak, para hametin papel prezidente ni’an.
Iha fatin hanesan Magnifiku reitor UNPAZ, Adolmandu Soares Amaral hateten Universidade da Paz nia papel oinsa bele aproveita matenek husi ita nia lider sira, mesmu sira la tur hamutuk, maibe sira nia hanoin bele kanaliza liu husi Universidade da Paz, atu nune’e bele fahe tutan ba ita nia komunidade sira.
