Reportajen Umbelina dos Reis
Sekretaria Estadu ba Formasaun Profisionál no Empregu ( SEFOPE), liuhosi Diresaun Nasional Empregu Estranjeiru (DNEE), despedida traballador Timor oan hamutuk na’in 103 atu ba servisu iha nasaun viziña Australia. Tanba Ministra Dezenvolvimentu Internasionál no arte Cultura Australia informa Timor oan ba servisu iha Australia hatudu atetude pozitivu tebe-tebes nune’e futuru oin mai governu Australia kontinua rekruta Timor oan ba servisu iha Australia.
Sekretariu Estadu Formasaun Profesional no Empregu (SEFOPE), Rogério Araújo Mendonça hateten, ohin SEFOPE hetan oportunidade di’ak tebe-tebes tanba Ministra pequena dezenvolvimentu Internasionál no arte Cultura Australia husu direita ba SEFOPE hodi partesipa direita ba serimonia despedida ba traballador Timor oan hamutuk na’in atus ida resin ne’ebe atu ba servisu iha Australia. Sorumutu SEFOPE ho Ministra Dezenvolvimentu Internasionál Australia ne’e konversa konaba programa mobilidade laboral ne’ebe hanaran Palm skil fo benefísiu boot tebe-tebes ba governu Australia fo fila-fali governu Timor-Leste.
” Traballador ne’ebe atu aranka ba servisu iha Australia maioria traballador foun, maibé sira hosi re-interna ne’e kuaze ho numeru 17 hanesan nee mak hamutuk hodi aranka ba servisu iha Australia semana ida ne’e.” Dehan Sekretariu Estadu Formasaun Profesional no Empregu (SEFOPE), Rogério Araújo Mendonça, ba jornalista sira iha otél Palm Spring Hilton, kinta-feira, 07/08.
Ministra Dezenvolvimentu Internasionál ohin mai partesipa despedida ne’e ho sinais ne’ebe positivu tebe-tebes tanba Ministra mai ho empregador asosiasaun step 53 kompaiña, maibé tuir informasaun ne’ebe hetan hosi embaixada katak iha mos empregador sira ho numeru 60 ital ne’ebe hakarak rekruta tan joven foinsa’e Timor oan sira.
Nia hatutan, Ministra ohin liuhosi nia diskursu hateten katak nia sente kontente tebe-tebes tanba Timor-Leste hanesan nia rai Egipto ne’ebe antes ne’e nia moris ba hafoin ba servisu iha Australia. Tanba Timor oan ba servisu iha Australia hatudu nia atetude ne’ebe di’ak, entaun governu Australia kontinua
” Kolabora hamutuk ho governu Timor-Leste nune’e kada tinan rua ka tolu tenki rekruta Timor oan 10 mil ital hodi ba servisu iha Australia. Tanba ne’e mak governu fasilita formasaun iha munisipiu nune’e joven sira prepara an hodi ba servisu iha Australia. Maibe fulan rua ba kotuk governu fasilita joven na’in 2000 resin ba servisu iha Australia, nune’e bele hamenus desepregu iha Timor.”
” rekomenda ba traballador sira ne’ebe sei iha sistema laran tenki nafatin kumpri leis, regra procedimentu ne’ebe ema fo sai, tanba wainhira halai ses hosi sistema aban bairua konsekuensia ita boot sira no familia mak sente.”
Sorin seluk reprezentante Trabalhador, Simoa Gabriela Belo, hatete senti kontente tanba hetan oportunidade fila fali hodi halo servisu iha Austrália ne’ebé iha area Hortikultura.
“Ha’u senti kontenti tebes tanba hetan fila fali oportunidade hodi ba servisu iha Austrália, iha area Hortikultura nian, ami ba servisu iha Australia diak maibé servisu iha Australia ho servisu iha Timor diferensia oituan tanba esperensia la hanesan no servisu toos laran la hanesan.” Haktuir traballadora, Simoa belo.
Nia dehan, dezafius ne’ebé sira hasoru iha servisu fatin ne’e mak lingua ne’ebé uza hodi komunika ho kompaiña na’in sira, maibé ami sempre ajuda komunika ba malu iha terenu, tanba ami servisu team ne’e sempre hare malu diak no tulun malu.
