Reportajen Umbelina dos Reis
Ministra ba Dezenvolvimentu Internasional iha Australia, Anne Aly liuhosi nia diskursu hateten, nia vizita mai Timor-Leste husi loron 6-7 agostu nia viajen ofisiál dahuluk mai Sudeste Aziátiku dezde hetan nomeasaun ba nia knaar iha fulan Maiu ne’e.
“Austrália apoiu tan ba prioridade dezenvolvimentu Timor-Leste nian. Austrália aumenta ona finansiamentu ba Asistensia Ofisiál ba Dezenvolvimentu (ODA), ba Timor-Leste liu millaun $10, finanseiru ne’e ho alvu ba dezenvolvimentu abilidade forsa traballu nian no dalan ba empregu nian.” Anuncia Ministra Dezenvolvimentu Internasionál Australia, Anne Aly, liuhosi nia diskursu iha salaun Otel Palm Spring Dili/ Hilton, kinta-feira, 07/08.
Nia informa, iha fulan neen ikus ne’e, Austrália intervein hodi fornese finansiamentu emerjensia maizumenus millaun $5 hodi mantein inisiativa dezafiu finansiamentu ne’ebé la espera. xave sira ba vasinasaun, nutrisaun no igualdade jeneru nian la’o tuir.
“Austrália iha liña oin ba apoiu ba Timor-Leste dezde prosesu independénsia. Nu’udar Timor-Leste nia parseiru dezenvolvimentu boot liu, ami sente orgullu tanba fornese ona finansiamentu emerjénsia millaun $5 tan hodi mantein inisiativa kritiku sira la’o. Tinan ne’e Austrália mós sei hasa’e finanseiru hodi apoiu ba dezenvolvimentu liu millaun $10, hodi apoia Timor-Leste nia vizaun ba ekonomia ida ne’ebé diversifikadu no inkluzivu“. Nia informa.
