Home Notisia COVID-19, SEKOMS Husu Publiku Labele Fiar Informasaun Falsu Iha SosMed, Tenke Fiar...

COVID-19, SEKOMS Husu Publiku Labele Fiar Informasaun Falsu Iha SosMed, Tenke Fiar Media Kredibel Sira

223
0
Secretario Estadu komunikasaun Sosial Mericio Juvinal dos Reis. [Foto: Francisco JDA | 23.03.2020]

Reportazen Francisco JDA

Secretariadu Estadu Komunikasaun Sosial [SEKOMS]  reprezenta governu, hodi tuir ekontro ba pedidu urjensia, relasiona ho Lei Orsamentu Jestaun Finansas, nune’e governu nafatin hein desizaun lider bankada Parlamentu Nasional [PN] no asuntu virus Corona.

SEKOMS, Mericio Juvinal dos Reis ba jornalista sira hatete, la bele fiar imnormasaun falsu ka hoax, no fontes la klaru, maibe fiar ba media kredibel sira no akompanha duke status pesoal iha sosial media [SosMed] sei halo paniku ba publiku .

“Orgaun komunikasaun hotu liu-liu estadu nian, sei kontinua habelar informasaun los, kredibel ba ita nia komunidade para bele komprende no intende, kolabora ida ne’e mak ohin informa ba deputadu sira katak hahu agora ba oin labele fiar kualker informasaun ne’ebe nia fontes ne’e la klaru, tanba fontes kredibel klaru mak ekipa konjunta iha liu-liu Ministerio Saude, nune’e nia mak sai garantor ba informasaun hotu liga ba Covid-19 los ka lalos”, tenik Secretario Estadu komunikasaun Sosial Mericio Juvinal dos Reis, hafoin enkontro ho deputadu sira iha Parlamentu Nasional, 23/03

Juvinal reforsa, RTTL, Tatoli no Radio Komunidade sira, sei asegura informasaun los, ba ema hotu no sei kolabora media hotu iha TL, liu-liu media kredibel, iha naran ona favor akompnha nafatin, duke akompnha fali status pesoal iha sosial media.

Nia mos hatutan tan, presiza ema hotu nia kalma, nune’e bele kombate Covid-19, se ema hotu paniku, dalaruma la iha konsentrasaun, halo buat ida konforme ida-ida nia hakarak.

Tips Hosi Redasaun Neon Metin Preven COVID-19

  1. Badinas fase liman bebeik, bainhira kaer sasan kontaminadus tenke fase kedas liman ho sabaun.
  2. Labele besik ema ne’ebe mear ka isin manas
  3. Hemu bee barak, konsume vitimina no habai an iha loro manas atu hamate virus
  4. deskansa barak atu bele nafatin iha energia, bainhira enerjia diak virus susar atu kona

LEAVE A REPLY

Please enter your comment!
Please enter your name here