Home Notisia Ajuda TL Aprezenta Kandidatura Ba UNESCO, Atu Inklui Tais Nudar Patrimonio...

Ajuda TL Aprezenta Kandidatura Ba UNESCO, Atu Inklui Tais Nudar Patrimonio Kultural Mundial

336
0
Embaixadora Estadus Unidus Amerika (EUA), Kathleen Fitzpatrick. [Foto: Santina Lucia da Costa | 22.09.2020]

Reportazen Santina Lucia da Costa

Hau admira ho buat ne’ebe Timor-Leste iham hodi oferese beleza natural husi Timor-Leste ninia tasi no foho sira, ema timoroan nia laran di’ak no furak husi kultura tradisional, muzika, soru tais no arte sira seluk“. Kathleen Fitzpatrick

Ministeriu Turizmu Komersiu no Industria (MTCI) serbisu hamutuk ho USAID’s Tourism For All Project, asosiasaun turizmu no Empreza turizmu sira selebra loron mundial Turizmu 2020 liu husi organiza eventu lubuk ida, mak hanesan Expo Turizmu Domestiku no Feira Hau nia Timor-Leste.

Embaixadora Estadus Unidus Amerika (EUA), Kathleen Fitzpatrick iha nia diskursu hateten Timor-Leste iha buat barak tebes, atu oferese no barak liu tan seidauk deskobre, Timor-Leste nu’udar destinu interesante no fasinante ba turistiku sira lor-loron.

“Hau admira ho buat ne’ebe Timor-Leste iham hodi oferese beleza natural husi Timor-Leste ninia tasi no foho sira, ema timoroan nia laran di’ak no furak husi kultura tradisional, muzika, soru tais no arte sira seluk.”hateten Embaixadora EUA iha Timor Plaza, Center Court, Loron, 22/9.

Embaixadora Estadus Unidus Amerika (EUA) dehan importante tebes ho onra ba papel husi Timor-Leste nia feto sira, ne’ebe produz vestidu kultural Timor-Leste nia taís furak ne’ebe reprezenta munisipiu sira no organizasaun oioin.

“Ami senti orgulho, ajuda ona Timor-Leste aprezenta ninia kandidatura ba UNESCO hodi inklui Timor-leste nia taís, hanesan patrimonio kultural mundial, projetu importante ba ema hotu. Ami mos apresia Timor-Leste nia hahan no produtu agrikola sira no uza kreatividade no inovador sira balun husi aihan tradisional Timor-Leste nian, ne’ebe emprededor sira agora dadaun obdese iha ne’e”,dehan Kathleen Fitzpatrick.

Nia akresenta tinan ne’e dezempenante tebes ba mundu tomak, tanba Covid-19 afeta tebes atividade turizmu no ekonomia iha mundu tomak, ami emprasionadu tebes ho Timor-leste nia kapasidade, hodi prevene propagasaun Covid-19 iha Timor-leste, “klaru katak saude no seguransa sidadaun Timor-Leste nian maka, ema hotu-hotu nia prioridade prinsipal tenki hanesan ne’e duni”.

Nia haktuir Estadus Unidus Amerika kontinua apoiu Timor-Leste nia atividade prevensaun ba Covid-19 no rekuperasaun ekonomika hafoin pandemia ne’e. Estadus Unidus Amerika kontribui ona liu $2.4 milliaun hodi luta hasoru Covid-19 iha Timor-Leste, ami mos fornese ona ekipamentu no programa inovador oioin, ne’ebe haforte Timor-Leste nia infranstrutura, saude, apoiu trabalhador lokal sira no sosa produtu lokal sira.

“Ita hotu-hotu adapta dadaun ba iha dezafius boot ne’ebe mai husi pandemia global ne’e no dezenvolve merkadu turizmu lokal forte liu tan, maka dalan ida iha hodi bele adapta”, tenik, Kathleen Fitzpatrick.

Programa refere parte Embaixada Estadus Unidus Amerika nia projetu turizmu ba ema hotu, ne’ebe komesa iha tinan 2018 ho objetivu apoia Timor-Leste, alkansa ninia metas rasik ba kresimentu turizmu sustentavel no inkluzivu.

Print Friendly, PDF & Email

LEAVE A REPLY

Please enter your comment!
Please enter your name here