Reportajen David da Costa Gusmao
Grupu Jestór Profisionais Rekursu Umanu (GJPRU) ohin realiza forum hodi Identifika dezafiu, no problema saida maka administrasaun Publiku sira hasoru iha kada instutisaun sira, atu nune’e bele fó solusaun ba probelma ne’ebé maka administrasaun publiku sira hasoru iha kada instutisaun estadu sira.
Koordenadór Grupu Jestór Profisionais Rekursu Umanu (GJPRU), Agostinho Quelo dehan GJPRU realiza forum GJPRU ba dala-rua nian, ho topiku hamutuk melora prestasaun serbisu hodi serbi povu no nasaun. Tanba ne’e hanesan Jestór sira husi rekursu umanu, GJPRU sempre realiza formu ho objetivu ida atu nafatin aktualiza ba malu kona-ba instrumentu legál sira kona-ba prosedimentu operasionál sira, no dezenvolve mekanismu operasionál sira oinsá atu asegura instrumentu legál sira para hodi korajen nafatin serbisu rekursu umanu sira.
“Objetivu husi forum ida ne’e maka atu kontinua haree informasaun sira kona-ba instrumentu legál sira, hamutuk identifika ba malu kona-ba difikuldade no dezafius sira karik instituisaun ida-idak hasoru liliu iha administrasaun publiuk, ho ida ne’e iha forum ne’e ita bele ko’alia ba malu hodi bele buka solusaun ba problema sira ne’ebe ita hasoru,” dehan Koordenadór GJPRU, Agostinho Quelo ba jornalista sira iha SEJD, Kinta 20/10.
Nia haktuir GJPRU ne’e hanesan mós rekursu umanu mai husi lińa Ministeriais hotu-hotu, GJPRU involve diretamente serbisu rekursu umanu sira. Tanba Papel GJPRU maka atu ajuda funsaun Publika, atu tur hamutuk buka identifika saida maka akontese iha serbisu administrasaun publika. Entaun dezafiu no problema saida deit maka kada institusaun sira hasoru, presiza kria forum ida para hamutuk buka solusaun ba problema para oinsa atu bele rezolve.
Tanba ne’e GJPRU nian prezensa atu ajuda komisaun funsaun publika, sai hanesan fonte ida entre instituisaun estadu ho parte Komisaun Funsaun Publika, tanba KFP hanesan indepeden ida atu bele haree no tau matan ba funseonariu publiku, entaun papel GJPRU presiza hamutuk KFP identifika oinsa bele lori KFP hakbesik aan ba institutisaun estadu hotu liuliu iha liña ministeriais sira inklui mós ba sira iha nivel munisipal sira para haree dezafiu no problema saida maka servisu administrasaun publiku sira hasoru ida ne’e maka kada fulan GJPRU nafatin realiza forum.
Iha fatin hanesan Sekretariu Estadu Juventude no Desportu (SEJD) Abrão Saldanha haktuir sistema rekursu umanu iha Timior-Leste ne’e iha komisaun indepeden ida maka halo, maka KFP, Tanba iha tinan barak iha intervensaun politiku barak husi serbisu publiku liliu administrasaun publika.
“governu deside hari Komisaun Publika atu profisionaliza administrasaun Publika, tanba iha rai ho estadu ida ne’e administrasaun publika ne’e importante, bele iha politiku oioin maibe se maka tula politika ba iha povu nia odamatan ne’e administrasaun publika. Entaun saida maka KFP halo hela maka oinsa profisionaliza, tanba iha sistema kareira sira ne’e halo ona teste eletroniku, promove nomeasaun tuir meritu buat sira ne’e media no esforsu ne’ebe maka KFP halo atu melora administrasaun publika, ita hotu kopera para hadia diak liu tan ita nia administrasaun publika,” nia hateten.
