Home Notisia Covid-19, Hetan Risku Boot Liu Ba Moras Covid-19 Mak Ferik Ho Katuas

Covid-19, Hetan Risku Boot Liu Ba Moras Covid-19 Mak Ferik Ho Katuas

225
0
Karikatura konaba ferik katuas sira ne'ebe risku ba covid-19. [Foto: Copyright Solopos.com | 17.04.2020]

Reportazen Zevonia Vieira

Virus Corona ne’ebe mak hahu akontese iha rai Wuhan iha Xina iha Dezembru 2019, no kontinua hadaet ba iha nasaun boot sira seluk, inklui Timor-Leste, halo ema barak mak paniku no tauk, karik sira mos sei afeta ba virus refere.

Iha Timor ne’ebe rezultadu ona ema positivu 18 maibe nain 1 rekupera ka kuradu ona. Entre nain 17 ne’ebe mak afeta virus Corona maioria joven estudante sira ne’ebe mak mai hosi nasaun afetadu sira no hela iha kuarentena obrigatoriu ne’ebe mak estadu prepara.

Publiku preokupa ho situasuan hirak ne’e, karik sei rezultadu balun sei hakotu sira nia vida ho idade joven? Liu hosi Konferensia imprensa iha centru media portavoz Centru Integrad Jestaun Krize [CIJK], Dr. Rui Araujo esplika katak importante iha kazu hotu ne’ebe agora positivu hotu no provavel, kazu sira ne’e konaba joven estudante sira hosi 60 anos mai kraik.

“Se ita hare didiak ne’e signifika kazu sira ne’e kona ba ema sira ne’ebe iha imunidade ne’ebe diak, laiha tan moras seluk, laiha posibilidade sira atu tama iha faze ne’ebe grave liu kiik teb-tebes, ida ne’e fo tempu mai ita atu prepara, importante mak kazu sira ne’e la sai ba liur, hodi hadaet moras ne’e ba uma kain nia laran no komunidade nia leet ne’ebe iha ema katuas no ferik ho idade 60 ba leten, ho ema ne’ebe sofre moras seluk ne’e barak tebes, tanba ne’e mak distansiamentu sosial ne’e importante. Ema ho idade 60 ba leten sa tan sei moras seluk ruma, lalika sai hosi uma”, esplika Dr. Rui ba jornalista sira, 17/04.

Dr. Rui hatutan joven sira no adultu sira mos lalika sai hosi uma para ba lori fali moras ne’e hosi liur mai daet fali ba sira nia inan, aman no avo sira iha uma laran, tanba sira ne’ebe idade 60 ba leten ho mos moras sira seluk, sira ne’e mak iha risku boot tebes no presiza ventilador.

CIJK apela ba joven no joven adultu sira hotu tenke kontribui atu la bele tama iha faze ne’ebe presiza ventilador barak. Atu halo ida ne’e ba joven no joven adultu sira  mak tenke hadook an hosi moras ne’e, para labele lori fali ba uma laran, ida ne’e estrategia importante ida.

Tuir peskiza ne’ebe mak Neon Metin akumula hosi rai sira seluk hatudu katak numeru ne’ebe mak mate tanba kazu virus Corona mak ema idade 80 ba leten ka ferik katuas sira. Virus Corona ne’ebe mak infekta ona ema iha mundu tomak mais menus 100.000 populasaun iha mundu no mais menus entre ema 4.000 mak mate. Rezultadu hosi ema ne’ebe mate tanba virus Corona maioria ho idde 80 ba leten ho atinji pursentu to 21,9%

Tanba sa idade ferik no katuas hetan risku boot liu hosi virus Corona? Tanba bainhira aumenta idade, imunidade ne’ebe maki ha komesa menus ba bebeik, hahu hosi redusaun ba produsaun pigment ba  fuk, produsaun hormonal, elastisidade ba kulit, massa muscular,  densidade ossea, forsas hosi dentes no funsaun orgaun korpu.

LEAVE A REPLY

Please enter your comment!
Please enter your name here