Home EduTek Serka Sanitaria Iha Baucau no Viqueque, MEJD: Susar Fahe Livru Iha Rural

Serka Sanitaria Iha Baucau no Viqueque, MEJD: Susar Fahe Livru Iha Rural

334
0
MEJD, Dr. Armindo Maia. [Foto: Copyright Media MEJD | 22.09.2020]

Reportazen Francisco JDA

Ohin Konselho Ministro (KM) hala’o reuniaun extra ordinária hodi deside hikas, serka sanitaria iha Municipiu Dili, inklui Baucau no Viqueque nune’e suspende atividade eskola, maibé Ministeriu Edukasaun Juventude no Desportu ( MEJD), kontinua iha planu atu estudante sira bele aprende liu hosi programa eskola ba uma liu hosi televisaun no internet.

Ministro Edukasaun no Juventude Desportu, Armindo Maia ba jornalista sira informa katak, MEJD la presiza hasai despaixu tanba Municipiu Baucau no Viqueque tama hotu iha serka sanitaria maibe dadaun ne’e funsionáriu sira iha MEJD deskute hela, nune’e hadia diak liu tan programa eskola ba uma.

“Konaba eskola ba uma agora dadauk hau nia funsionáriu sira deskute hela kona ba oinsá mak atu hadia diak liu tan,” hatete Ministro Armindo Maia iha Ministeriu Financas, 15/03

Ho asuntu ne’e jornalista Neon Metin husu oinsá ho livro ba estudante sira iha area rural, ba Neon Metin Ministro Armindo hatete katak ba livru araska ona, agora neste momentu susar oituan maibe program eskola ba uma ne’e liu hosi televizaun no internet. Ministru realsa tan, se ema la iha eletresidade, MEJD labele halo buat ida.

Antes ne’e, Sosiedade Sivil liu hosi Diretor Timor Leste Coaliation for Educatiuon (TLCE), Jose Monteiro hatete katak, governu tenki foka ba ema sira ne’ebe hela iha area remotas, tanba susar atu asesu televizaun, online meius ida diak liu mak fahe livru ba sira, nune’e online ba iha centru municipiu sira no livro ba iha area remotas.

Print Friendly, PDF & Email

LEAVE A REPLY

Please enter your comment!
Please enter your name here