Reportajen Filomena da Conceição
Primeiru Ministru (PM) Kay Rala Xanana Gusmão, hala’o inkontru semanal ho Presidente da Republika (PR) Jose Ramos-Horta, hodi deskuti kona-ba atu hamosu Auditoria Interna ba Institusaun Estadu hodi bele kontrola despezas sira ne’ebe halakon osan povu nian.
“Ami prova atu buka hamosu auditoria interna iha institusaun Estadu nian tomak hodi ita bele kontrola didiak despezas no gastu husi buat sira ne’e hotu, ne’ebe halakon osan povu nian ne’e”, dehan primeiru Ministru ba jornalista sira iha Palacio Presidensial Bairo-Pite, Kinta 3/10.
Governante ne’e haktuir tan, objetivu atu hamosu Autoditoria ba Institusaun Estadu Sira atu bele kontrola despezas sira ne’ebe halakon povu nia omsan no iregulridade sira ne’ebe akontese.
“Ami loke ona konkursu atu halo auditoria ba iregularidades barak ne’ebe mosu, ne’ebe lakleur sira halo kontratu ba kompania internasional mak mai halo, maibe difisil no sira sei hetan difikuldade barak tanba surat barak mak buka la hetan no lakon hotu nune’e susar atu rezolve”, dehan Xanana
Tanba Auditoriu ne’ebe governu aprova iha konsellu Ministeiru ne’e, governu para lao hodi monitoriza no kontrola. “No Ami halo buat sira ne’e hodi kuriji buat hirak ne’ebe sala tanba ita la kuriji buat hirak ne’e governu ida tama gasta osan no seluk tama kontinua gasta osan, maibe povu mak kiak ba nafatin”Nia Esplika.
