Home Uncategorized Covid-19, Tanki Fase Liman Iha Fatin Publiku Ladun Iha Jestaun Diak, Valentin:...

Covid-19, Tanki Fase Liman Iha Fatin Publiku Ladun Iha Jestaun Diak, Valentin: Presiza Iha Bee Moos Ne’ebe Sufsiente

343
0
Koordenador Steering Committee Plataforma Nasional Bee Moos, Saneamento no Ijiene Timor-Leste, (PN BESI TL), Koko Valentin. [Foto: Francisco JDA | 08.05.2020]

Reportazen Zevonia Vieira

Situasaun moras Corona ezije komunidade tomak atu moris ijiene, hodi hadook an hosi virus Corona, liu hosi fase liman bebeik ho sabaun.

Relasiona ho situasaun moras surtu virus Corona iha Timor-Leste no Estadu Emerjensia, liu hosi konferensia imprensa iha FONGTIL, Koordenador Steering Committee Plataforma Nasional Bee Moos, Saneamento no Ijiene Timor-Leste, (PN BESI TL), Koko Valentin, relata informasaun ba jornalista sira katak Plataforma Nasional Bee Moos, Saniamentu no Ijiene Timor-Leste, halo hela monitorizasaun liu-liu ba kestaun bee iha situasaun moras surtu Covid-19.

“Ita hotu hatene katak bee mos hanesan instrument xavi ne’ebe sai hanesan medidas ba prevensaun surtu Covid-19, husu sidadaun tomak tenke fase liman bebeik iha tempu kritiku sira, hatudu katak ita tenke hetan bee moos ne’ebe sufsiente iha sira nia fatin lor-loron”, hateten Koko Valente iha centru media FONGTIL 08/05.

Koko Valente hateten tuir observasaun hosi BESI katak fasilidade fase liman ne’ebe tau iha fatin publiku, liu-liu iha merkadu, ekipa sosiadade sivil tenta halo intervensaun ruma tanba tanki sira ne’ebe tau iha deit tornera ida, por ezemplu iha merkadu Taibessi, iha linha naruk ne’ebe ema sira ba hola sasan iha merkadu, entaun koko halo intervensaun para hodi aumenta torneira, hodi ema la halo antrian no bele fo spasu ba ema labele hamrik besik malu.

“Fatin fase liman iha fatin publiku maibe nia jestaun lao ladun diak, tanba tanki sira ne’ebe ami hare ladun utiliza ho diak, sabaun sira nia fatin laiha, entaun estraga deit, liu-liu iha rotunda Palapasu nian, liu-liu iha tribunal. Intensaun inisiu ne’e diak maibe depois ladun utiliza ho diak”, hateten Valentin

Ekipa SAS ense bee iha tanki fase lima iha fatin publiku. [Foto: Francisco JDA | 08.05.2020]

PN BESI TL husu ba Bombeiros no SAS sira ne’ebe ense tanki tenke hare jestaun ho diak, tanba uma kain sira ne’ebe bee laiha sira ba kuru bee iha fasilidade fase liman nian ne’e, liu-liu iha Taibessi. Iha depositsa boot ida iha Taibessi, maibe populsaun balun susar asesu ba bee, ne’e hatudu katak medidas preventivas ladun tau atensaun ba iha asumtu bee.

“Tanki bee sira ba fasilidade fase liman nian, ami observa katak maran lalais tanba kuru hosi uma kain balun, nia tempu ka schedule ne’ebe governu halo hodi ense ne’e dalaruma tarde , tanki balun la ense to’o loron rua ka tolu, por ezemplu iha merkadu ne’e problema oituan tanba fasilita ema barak hodi fase liman”, hateten Koko Valentin.

BESI mos observa katak uma kain barak tau ona fasilidade fase liman iha uma oin, maibe bee makuk tanba sira la hetan bee naton ba nesesidade uma laran. Liu hosi konferensian imprensa BESI remkomenda ba governu tenke halo duni jestaun ne’ebe nesesariu, hodi responde situasaun sira ne’ebe mak sira hasoru, hodi bele asesu bee ne’ebe naton para bele fasilita sira ho membru familia sira bele halo pratiku fase liman ho diak.

“Governu no kompania sira neebe hetan kontratu atu ense bee, tenke ense regular ba tanki sira para bele fasilita ema hodi fase liman liu-liu merkadu no postu centru saude sira tanba ami nia informasaun ne’ebe rekolla iha municipiu katak konstrusaun ba bee nian iha, maibe kanalizasaun bee nian laiha, hodi nune bele fasilita ita nia pasiente sira ne’ebe ba halo tratamentu bele fase liman ho diak liu”, hateten Koko Valentin.

Hosi relatoriu monitorizasaun mos hatudu katak populasaun barak komprende diak konaba objetivu hosi instala tanki sira iha fatin publiku katak atu fasilita sira hodi fase liman bebeik hodi la kona virus Corona. Informasaun refere komunidade sira asesu hosi anunsiu publiku hosi Ministeriu Publiku ne’ebe tama sai bairo, liu hosi SMS ne’ebe Ministeriu Saude manda no iha Televisaun.  

LEAVE A REPLY

Please enter your comment!
Please enter your name here