Home Uncategorized Covid-19, Total Auto-Kuarentena Iha Dili Zero, Dra. Odete: Ami Rekonnese Iha Failansu...

Covid-19, Total Auto-Kuarentena Iha Dili Zero, Dra. Odete: Ami Rekonnese Iha Failansu Dadus

742
0
Portavoz CIJK, Dra. Odete Viegas. [Foto: Francisco JDA | 01.05.2020]

Centru Integradu Jestaun Krize (CIJK) relata informasaun relasiona ho surtu Covid-19 iha Timor-Leste. Liu hosi konferensia imprensa portavoz CIJK, Dra. Odete Viegas hateten katak total auto-kuarentena iha Dili laiha ka zero.

Maibe iha loron 7 Maiu 2020, Neon Metin halo entrevista no akumula informasaun katak pasanjeiru hosi Australia Arsenio Bano ho staff agensia nasoen unidas fila hosi Australia no professional saude sira husu atu halo auto-kuarentena.

Liu hosi centru media iha CCD, Neon Metin halo konfirmasaun tanba sa mak dadus auto-kuarentena iha Dili kontinua zero? Ba Neon Metin, Dra. Odete hatan katak, “los ida ne’e ami nia failansu ne’ebe mak ami la tau iha dadus, maibe depois ami sei hare”.

Tuir dadus ne’ebe CIJK relata hatudu katak total ema iha kuarentena obrigatoriu no auto-kuarentena hamutuk 135, hosi numeru ne’e hatudu katak total ema nain 101 mak kuarentena obrigatoriu iha Dili, iha municipi nain 34. Ba auto-kuarenten iha Dili nafatin zero (0) no iha municipiu nain 32. Ba total ema ne’ebe passa ona loron 14 hamutuk 2080, katak iha Dli ema nain 1642 no municipiu nain 438.

LEAVE A REPLY

Please enter your comment!
Please enter your name here