Home Uncategorized UE Apoiu Projetu Dijitalizasaun Enkontru no Harii Knua Komunikasaun Ba Jornalista Sira...

UE Apoiu Projetu Dijitalizasaun Enkontru no Harii Knua Komunikasaun Ba Jornalista Sira Iha PN

221
0
Embaixador Uniaun Europeia (UE) Andrew Jacobs. [Foto: Santina Lucia da Costa | 07.05.2020]

Reportazen Santina Lucia da Costa

Bazeia ba situasaun Estadu Emerjensia husi Covid-19, Embaixada Uniaun Europeia (UE) Andrew Jacobs husu ba UNDP atu konsidera halo ajuste ba atividade sira mak planeadu ba situasaun espesial sira ne’e.

Embaixador Andrew Jacobs, hateten sira hakarak apoia resposta ba Covid-19 ho asaun sira mak hanesan instalasaun ba sala de imprensa no sala konferensia de imprensa iha Parlamentu.

“Ami nia ideia mak atu harii knua komunikasaun ida iha Parlamentu nia instalasaun sira, mak sei iha, sala dedikadu ba ida Jornalista akreditadu sira ho internet, fasilidade ba imprime no móvel sira. Sala ida ba konferensia imprensa ho móvel sira, iluminasaun no ligasaun tekniku ba televizaun no radiu no mos iha fasilidade ba radiu parlamentu”,  esplika Andrew Jacobs.

UE mos sei apoiu halo kampanha komunikasaun ba televisaun konaba edukasaun sivika ba asuntu sosial relasiona ho Covid-19. Kampaña ida ne’e tenke inklui topiku oioin, hahu parlamentu no autoridade sira seluk nia funsaun durante Estadu Emerjensia, liu hosi literasia finanseiru jestaun familiar, reduzaun ba poluisaun ou lixu, haforsa ijiene to’o violensia domestika no protesaun sosial.

Planu seluk ne’ebe UE sei estabele mak kanal komunikasaun online entre parlamentu no sidadaun timoroan sira, husi sistema online hodi halo komunikasaun ba ema sira. Apoiu projetu ida ho metodu dijitalizasaun ba enkontru sira iha parlamentu nasional

Andre Jacobs mos hateten relasiona ho asaun munisipiu sira, objetivu mak atu apoia radiu komunitariu sira, halo monitorizasaun ba media sosial atu kontra notisia falsu sira mak kauza paniku, no mos harii estasaun atu fase liman iha fatin publiku.

“Ami mos hakarak fo apoiu E-Goverment ba administrador munisipiu sira atu responde ba Covid-19. Ami sei apoiu ligasaun ida mak di’ak liu entre autoridade munisipiu sira no sentral governamental iha dili, liuhusi feramenta simples online atu fasilita komunikasaun ho Ministeriu Administrasaun Estatal.

Projetu foun ida ne’e mós alinadu ho Planu Estratejia Timor-Leste nian no Sustainable Development Goals (SDGs), ne’ebe ninia atinjimentu no ninia apelu atu  “labele husik ida iha kotuk” programa ne’e harii ho komprimisu, atu foka ba komunidade rural no populasaun iha munisipiu sira ne’ebe moris ho situasaun vulneravel hanesan, feto no feto foinsa’e sira, ema ho difisiensia sira, ferik no katuas sira.

LEAVE A REPLY

Please enter your comment!
Please enter your name here