Home Notisia UE no PNUD Asina Akordu Miliaun 4 Apoiu Desentralizasaun

UE no PNUD Asina Akordu Miliaun 4 Apoiu Desentralizasaun

644
0

Reportazen Santina Lucida da Costa

Tanba situasaun emerjénsia atuál ne’ebé kria husi COVID-19 iha Timor-Leste, projetu ne’ebé finansiadu husi Uniaun Europea (UE) mós sei apoia Parlamentu Nasionál, Ministériu Administrasaun Estatal no Autoridade Munisipál sira hodi haforsa resposta ba pandemia, liu-liu iha nível munisipál.

Embaixadór Uniaun Europeia, Andrew Jacobs no Reprezentante Rezidente PNUD, Munkhtuya Altangerel asina ona akordu ba lansamentu “Fortalesimentu Dezenvolvimentu Lokál Integradu liu husi kapasitasaun ba autoridade munisipál sira iha Timor-Leste”.

Inisiativa ne’e sei apoia prosesu deskonsentrasaun no desentralizasaun iha Timor-Leste, liu husi hakbesik governansaun, administrasaun públika no servisus ba ema, ho fó atensaun ne’ebé espesiál ba nesesidade no prioridade husi ema sira ne’ebé moris iha situasaun vulnerável sira.

Inisiativa ne’e sei aborda kestaun ne’ebé mak urjente liu iha kontekstu prosesu desentralizasaun Timor-Leste nian, kapasitasaun ba funsionárius públikus lokais; governansaun efetivu no inkluzivu; asesu ba dadus ne’ebé di’ak liu ba planu ne’ebé informadu no ba prosesu foti desizaun, estrutura polítika desentralizasaun ida ne’ebé di’ak no partisipasaun husi ema vulnerável.

Serimónia asinatura hala’o iha Ministériu Negósiu Estranjeiru no Koperasaun no partispa husi Ministru Negósiu Estranjeiru no Kooperasaun (MNEK), Dionísio Babo Soares no Vise Ministru Administrasaun Estatal (MAE), Abilio Jose Caetano, Embaixador Uniaun Europeia iha Timor-Leste no Reprezentante Rezidente PNUD. Inisiativa foun refere hetan apoiu hosi kontribuisaun konjunta hosi UE ho valor dollar Amerikau miliaun 3.6 no hosi PNUD ho valor  400,000 dolar Amerikanu.

Programa foun ne’e komplementár ba programa apoiu orsamentál ida ho valór Euro 11,25 finansiadu husi UE ba desentralizasaun no deskonsentrasaun, ne’ebé mak asina ona akordu. Finansiamentu husi Dionísio Babo Soares no Emabaixadór Andrew Jacobs iha 27 Febereiru.

Apoia implementasaun ba medidas preparasaun no resposta ba munisípius 12 iha Timor-Leste. Sei monta instalasaun sira ba fase liman iha fatin públiku ne’ebé prinsipál iha munisípius hotu no sei fornese apoiu governu eletróniku ba Autoridade Munisipál sira.

Aleindé ida ne’e projetu sei ajuda Parlamentu Nasionál atu mantein kontinuidade negósiu, liu husi instalasaun sala imprensa ida no sala ba konferénsia imprensa ida (KNUA KOMUNICASAUN), implementa kampaña komunikasaun ida kona-bá kestaun sociál sira ne’ebé relasiona ho COVID-19. Projetu UE-PNUD mós sei estabelese sistema komunikasaun online ida hodi garante relasaun ne’ebé forte liu ho sidadaun sira durante estadu emerjénsia.

Embaixadór Uniaun Europeia iha Timor-Leste, Andrew Jacobs hateten programa desentralizasaun nia objetivu jerál mak kontribui ba dezenvolvimentu sustentável Timor-Leste nian, liu husi implementasaun polítika desentralizasaun governu nian, ne’ebé buka atu hakbesik governasaun no servisus ba povu timor oan.

“Ha’u mós satisfeitu katak programa sei fornese apoiu hodi ajuda rezolve kestaun ne’ebé relasiona ho Covid-19, por ejemplu, liu husi kriasaun estasaun fase liman iha munisípiu hotu”, 7/05.

Iha fatin hanesan Reprezentante Rezidente PNUD, Munkhtuya Altangerel hateten katak, PNUD reforsa nia kompromisu atu fó prioridade ba populasaun vulnerável sira nia nesesidade no sei kontinua servisu hamutuk ho Ministériu Administrasaun Estatal no Delegasaun Uniaun Europeia hodi garante komunidade rural sira nia bein estár no oportunidade ne’ebé hanesan. Situasaun atuál presija abordajén ne’ebé fo’un, parseria no inovasaun ne’ebé onestu hodi garante katak sei la husik ema ida hela iha kotuk.

Ami orgullu hodi fó liman no esforsu atu promove governasaun lokál inkluzivu no prestasaun servisu iha munisípius Timor-Leste nian. Kapasitasaun no dezenvolvimentu abilidade mak sei sai hanesan ami nia ferramenta prinsipál hodi alkansa dezenvolvimentu lokál ne’ebé kapasitadu.” dehan Reprezentante Rezidente PNUD.

Print Friendly, PDF & Email

LEAVE A REPLY

Please enter your comment!
Please enter your name here