Home Saude Covid-19, Ema Total 52 Sai Hosi Kuarentena Tibar ho INAP Tanba Kompleta...

Covid-19, Ema Total 52 Sai Hosi Kuarentena Tibar ho INAP Tanba Kompleta Ona Loron 14

297
0
Maluk Sira ne'ebe hela iha kuarentena Tibar pasa ona loron 14. [Foto: Francisco JDA | 09.04.2020]

Reportazen Francisco JDA

Centru Integradu Jestaun Crise [CIJK] liu hosi Ministeriu Saúde [MS reintrega hikas maluk sira ne’ebé kompleta ona kuarentena obrigatorio durante loron 14, hosi Tibar no Institutu Nasional Admistrasaun Públiku [NAP] hamutuk nain 52.

Diretora Jerál Prestasaun Saude, Dra.Odete Viegas ba jornalista sira hateten, ema ne’ebé sai hosi Tibar feto 6 no mane 19, hosi INAP 27, feto 10 no mane 17 ema sira ne’e númeru boot iha Dili no Munisípiu sira.

“Fatin ida ne’e mak ita hahú inisia sai mós problema boot iha terenu, maibé ohin hakarak agradese, durante ita nia maluk sira iha ne’e, komunidade mós koopera no komportamentu di’ak too ohin sira sai”, tenik Diretor Jerál Prestasaun Saude Dra.Odete Viegas Iha Tibar, 09/04

Dra. Odete hatutan esforsu ne’ebe MS, Cruz Vermelha Timor-Leste [CVTL] ho linhas Ministeriais halao konsentra hotu iha fatin ida ne’e.

“Ohin agradese ba Maromak katak fatin ida neebe mak ita esforsu ho Eis Vise Ministra Saúde maske nia la iha, maibé nia mós kontribui makas  ba fatin iha Tibar ne’e,  ita realiza grupu ne’ebé mak atu sai, sira balun iha ne’e hela”,  tenik Dra.Odete Viegas

Nia Salienta tan ema ne’ebé iha hela kuarentena obrigatorio hosi Tibar no INAP la too ema nain 10, maibé apela nafatin ba sira ne’ebé sai ona, atu kontinua kumpri medidas preventivas hanesan fase liman no distansia sosial

Print Friendly, PDF & Email

LEAVE A REPLY

Please enter your comment!
Please enter your name here