Home Meio Ambiente Forum Rejional ASEAN, Xanana: TL Membru Ba Coral Triangle Hodi Proteze Ekosistema...

Forum Rejional ASEAN, Xanana: TL Membru Ba Coral Triangle Hodi Proteze Ekosistema Tasi nian

267
0
ASEAN Regional Forum. [Foto: Santina Lucia da Costa | 27.02.2020]

Reportazen Santina Lucia da Costa

Ministeriu Estrangeiru no Kooperasaun [MNEK], realiza Forum Rejional ASEAN. Iha forum refere, Xefe Negosiador Fronteira, Kay Rala Xanana Gusmao hatoo deskursu relasiona ho rezolusaun ba disputa no Lei Tasi nian katak ema liu hosi biliaun 3 mak depende ba tasi, ba sira nia moris lor-loron.

“Ita  nia tasi ne’e ema esplora maka’as liu ona no nakonu ho poluisaun, inklui nakonu  ho plastiku. Oinsa mak ita jere ita nia tasi no nia rekursu sira ne’e importante tebes ba ita nia futuru no hodi haree ba mudansa klimatika”, hateten Xanana iha salaun Ministeriu Finansas, 27/02.

Xanana hatutan katak iha tinan 2012, nia rasik promote ba Prezidente Kiribati no Anote Tong katak atu levanta kestaun mudansa klimatik iha forum mundial ne’ebe mak Xanana Gusmao partisipa.

Relasiona ho programa Dezenvolvimentu Sustentavel 14 [SDG 14], atu konversa no utiliza tasi no rekursu sira iha tasi lrna ho diak, Xanana hateten importante tebes ba ema nia moris, tanba SD 14 koalia konaba konvensaun no sustentabilidade hodi utiliza rekursu sira iha tasi laran, liu hosi Lei Internasional

“Hau hein katak ita sei hala’o diskusaun di’ak konaba importansia Lei Tasi nian no resolve disputa konaba peskaria no ambiente. Hanesan nasaun barak, protesaun ba ambiente tasi nian ne’e importante tebes ba Timor-Leste nia dezenvolvimentu sustentavel”, tenik Xanana.

Xanana Gusmão Informa Timor-Leste hanesan membru ida ba Coral Triangle, serbisu hamutuk ho nasaun vizinhu sira, hodi proteje ekosistema espesial ida ne’e no espesies 3.000 iha tasi laran. Iha tasi Timor, parte tasi feto, Ombai ho Wetar hanesan dalan ba baleia sira, inklui baleia azul nune’e mós ikan boot sira seluk.

Iha Forum Rejional ASEAN nian hetan partisipasaun hosi Indonesia, Malaysia, Vietnam, Singapore no Filipina.

LEAVE A REPLY

Please enter your comment!
Please enter your name here