Home Notisia Xanana: Lei Tasi Importante Hodi Proteje Nasaun, Promove Dame & Seguransa Global

Xanana: Lei Tasi Importante Hodi Proteje Nasaun, Promove Dame & Seguransa Global

682
0
Xefe Negosiador Fronteiras Maritimas Kay Rala Xanana Gusmao. [Foto: Santina Lucia da Costa | 27.02.2020]

Reportazen Santina Lucia da Costa

Ministeriu Negosiu Estranjeiru no Kooperasaun [MNEK] organiza Forum Rejional Asean ne’ebe foka konaba Rezolusaun Disputa no Lei Tasi nian.

Iha forum refere Xefe Negosiador Fronteiras Maritimas Kay Rala Xanana Gusmao, governu aprezenta kestaun importante balun konaba segurasan, ekonomia no ambiente sekulu ida ne’e nian.

Tasi importante tebes ba ita nia sobreviventes, nia hanesan mahan ba 80% husi buat moris tomak, importante tebes atu ita kombate mudansa klimatika, kuidadu biodiversidade no produz hahan, empregu no rekursu enerjia ne’ebé nasaun sira depende tebes”, hateten Xanana, iha salaun Ministeriu Finansas, 27/02.

Xanana Gusmao hatutan governasaun tasi nian ne’ebe diak tuir Lei tasi nian, ne’e importante tebes hodi proteje nasaun ita nia futuru, promove dame no seguransa global, ida nee inklui rezolusaun ba disputa maritima sira ne’ebe, bele kria tensaun jeopolitika fahe nasaun sira no iha tempu ne’ebe tuir lolos tenke hamrik hamutuk.

“Iha mundu tomak iha disputa fronteira maritima kuaze 400 mak seidauk resolve. Disputa hirak ne’e kria konflitu no inseguransa. Ita hatene ho di’ak tebes iha ita nia rejiaun rasik ne’ebé disputa fronteira maritima, kria situasaun la hakmatek no deskonfia. Disputa naruk ho Australia la fó dalan ba kooperasaun maritima no dezenvolvimentu ekonomia. Forum durante loron rua ne’e ita sei koalia konaba disputa ne’e ho klean liu tan”, hateten Xanana

Iha forum refere Xanana hateten Timor-Leste bele sai uma nain ba seminariu Forum Rejional ASEAN, nia fiar katak seminariu ne’e sei fó valor boot hodi halo diskusaun konaba opsaun oioin, hodi hetan rezolusaun ba disputa sira tuir Lei internasional, konsidera mós kestaun foun sira iha rezolusaun ba disputa no iha apoia ba regulamentu orden global.

Iha fatin hanesan Diretóra Jeral ba Asuntu ASEAN, Milena Ranjel katak Timor-Leste iha esperiensia balun hodi partilha iha rejiaun laran. Asumtu balun mós faz parte iha Forum Nasial ASEAN nian, Petroleo ita mós partilla informasaun sira ne’e, hamutuk ho panelista husi rejiaun laran hanesan, Indonezia, Singapura, Filipina, Malaysia no mós Vietnam.

LEAVE A REPLY

Please enter your comment!
Please enter your name here