Reportajen Silvino Freitas
Relasiona ho video ne’ebé viral kona-ba dirijente balun ne’ebé kaer ka basa iha parte sensetivu feto jornalista nian iha média sosiál Facebook, jornalista tenta halo konfirmasaun ho Sekretáriu Estadu Komunikasaun Sosial (SEKOMS) Expedito Dias Ximenes maibé nia parte seidauk haree video refere no nia konsidera ida ne’e la ho intensaun ruma husi dirijente refere.
Tuir SEKOMS Expedito Dias Ximenes, nia parte seidauk haree no rona video ne’ebé viral iha média sosiál ne’ebé dirijente balun hala’o asediu sexual bá jornalista maibé nia konsidera kulaker sidadaun hotu tenke iha respeita papél média sira nian iha terenu no permiti ema ida atu viola direitu média nian ba kobertura, maibé tanba iha hatene di’ak jornalista hodi ema seluk hasee basa kabaas ka basa kotuk tanba sira koñese di’ak hakarak hasee ne’e la signifika katak dirijente refere viola buat ne’ebé ema ko’alia.
“Maibé dirijente ne’e kompriende katak jornalista nia papél importante maka nia kaer liman kaer kabas jornalista nian nia isin ruma, ne’e la’ós ho objetivu kontra direitu ema ida nian maibé tanba ida hadomi ne’ebé ema ne’e halo ba iha komunidade média ka jornalista ne’ebé halo kobertura” esplika SEKOMS Expedito Dias Ximenes ba jornalista nia perguntas liga ho video ne’ebé viral lideransa halo asediu sexual bá jornalista balun.
Nia dehan tan, asaun ne’ebé hala’o ne’e laiha intensaun at bainhira dirijente sira kaer jornalista nia liman no kabaas ne’e nia konsidera normál no la signifika viola ona direitu jornalista nian, nune’e mós nia seida’uk haree video ne’ebé viral kona-ba dirijente ne’ebé kaer parte sensetivu feto jornalista nian iha terenu nune’e nia sei buka haree karik iha ema ruma ne’ebé hakarak politiza ema seluk nia hanoin ne’e la dun lós tanba asaun sira ne’e mosu tanba la ho intensaun ruma.
