Home EduTek UNDIL ho JSMP Sei Kria Formasaun Iha Area Justisa nian

UNDIL ho JSMP Sei Kria Formasaun Iha Area Justisa nian

94
0
JSMP ho UNDIL asina akordu. [Foto: Santina Lucia da Costa | 24.02.2020]

Reportazen Santina Lucia da Costa

Judicial System Monitoring Program [JSMP] ho Universidade Dili [UNDIL] asina akordu ba kooperasaun hodi serbisu hamutuk iha area formasaun, advokasia, diplomasia no area justisa nian.

Reitor UNDIL, José Agustinho Belo hateten UNDIL ofisialmente asina akordu ho JSMP, atu kontribui ba rai ida ne’e, presija aliansa ne’ebé mak forte, estudante sira laos aprende de’it iha universidade, maibé sira mós bele aprende husi liur.

“Asina akordu kooperasaun ida ne’e halai liu ba area direitu nian, justisa iha ita nia rain, oinsa ajuda estudante sira bele asesu di’ak liu tan ba justisa, entaun peskiza sira ne’e oinsa fó presaun di’ak, atu nune’e ema hotu bele akompaña, fahe serbisu hanesan, liuliu sira ne’ebé kbiit laek sira ladun asesu ba justisa, entaun ne’e responsabilidade akademiku ninian no mós lezislasaun ne’ebé monitoriu ba justisa”, hateten Reitór UNDIL José Agustinho Belo, ba jornalista sira iha edifisiu JSMP, Kolmera.

Reitór UNDIL hatutan, ida ne’e hanesan laboratórium ida, hanesan fatin ida ema hotu aprende, alende aprende husi universidade oinsa serbisu hamutuk, liu husi formasaun, seminariu, peskiza hamutuk oinsa para bele kontrola nafatin justisa.

Iha fatin hanesan, Diretór Interinu Programa Monitórizasaun Sistema Judisial (JSMP), Casimiro dos Santos hateten objetivu husi asina akordu ne’e atu fasilita fahe informasaun ba malu no mós serbisu hamutuk iha area balun ne’ebé maka importante. Liu hosi JSMP nia prespektiva, atu juda estudante sira ne’ebé estuda konaba area direitu nian.

 “Ami garante katak, formasaun durante ne’e, estudante sira bele asesu, tanba durante ne’e JSMP kolabora de’it ho Universidade husi nasaun seluk, no durante ne’e ami mós inklui estudantes sira husi universidade iha ne’e, maibé la tuir estrutura.” Tenik Casimiro dos Santos.

LEAVE A REPLY

Please enter your comment!
Please enter your name here