Home Justisa TR Sei Iha Ferias Judisiál Iha Augusto-Setembru, PTR: Serbisu Emerjensia Kontinua La’o

TR Sei Iha Ferias Judisiál Iha Augusto-Setembru, PTR: Serbisu Emerjensia Kontinua La’o

647
0
Prezidente Tribunal Rekursu, Deolindo dos Santos. [Foto: Santina | 28.07.2021]

Reportajen Santina Lucia da Costa

Prezidente Tribunal Rekursu, Deolindo dos Santos enkontru ho Prezidente Republika Dr. Francisco Guterres Lu-Olo, hodi informa apartir loron 1 Agostu to’o 15 Setembru tinan ne’e, Tribunal Rekursu tama iha ferias judisiál, maibé Tribunal kontinua funsiona parsialmente.

Hafoin enkontru ba jornalista sira, Prezidente Tribunal Rekursu informa apartir iha loron 1 Agostu to’o 15 Setembru, tribunal sira sei funsiona parsialmente tanba ita tama feriadu judisiál, signifika iha tempu ida ne’e, kada juis no ofisiál sira iha direitu atu foti férias ba loron 25 nia laran.

“Enkontru ho Prezidente Repúblika antes atu tama ba ferias judisiál apartir loron 1 Agostu to’o 15 Setembru, entaun hau mai ko’alia ho Xefe Estadu mais no menus informasaun kona-ba serbisu tribunal nian ne’ebé ita lao durante ne’e, kona-ba prosesu nian la’o normal, fim de serka sanitáriu, alende ida ne’e mós hato’o kona-ba serbisu jestaun balun Tribunal nian, ne’ebé la’o hela,” hateten Prezidente Tribunal Rekursu iha Palasiu Prezidensial Nicolau-Lobato, Bairo-Pite, 27/07.

Prezidente Tribunal Rekursu hatutan ita sei funsiona parsialmente tanba ita tama ba feriadu judisiál, Bainhira juis, prokuradór, ofisiál no defensór sira foti férias, entaun Tribunal Rekursu ne’e atende de’it mak prosesu ne’ebé kazu urjente tama iha Tribunal ho forma ne’ebé minimu.

Deolindo dehan Prezidente Repúblika hateten mezmu feriadu judisiál bele iha mais tenki asegura nafatin serbisu urjente, para sidadaun ne’ebé buka justisa karik bele presiza hetan antendimentu nafatin husi Tribunal sira.

“Hau hato’o ba Prezidente Repúblika katak, kestaun ne’e ami sei asegura nafatin tanba mapa ferias juis sira nian ho ofisiál judiasiál sira ne’e konsellu mak aprova, signifika katak, mezmu ferias maibé serbisu ne’ebé urjente kontinua la’o nafatin.”tenik, Deolindo.

Print Friendly, PDF & Email

LEAVE A REPLY

Please enter your comment!
Please enter your name here