Home EduTek CDITL Organiza Kompetisaun Hodi Promove Abilidade Juventude Ne’ebe Inkluzivu

CDITL Organiza Kompetisaun Hodi Promove Abilidade Juventude Ne’ebe Inkluzivu

412
0
loron aniversáriu Sentru Dezenvolvimentu Inkluzivu Iha Timor-Leste. [Foto: Joselina | 05.10.2021]

Reportajen Joselina dos Santos

Iha ambitu loron aniversáriu Sentru Dezenvolvimentu Inkluzivu Iha Timor-Leste (CDITL) ba dala VI,  realiza kompetisaun ho tema “Oportunidade Mak Ha’u Nia Esperansa” hodi hasa’e koñesimentu ho abilidade ba ema ho defisiénsia no mos ema la ho Defisiénsia liu husi kompetisaun diskursu públiku, Sertame, Poezia no musika.

Hafoin diskursu Prezidente Komisaun Organizadora CDITL, Silviano Jeronimo Vieira hateten objetivu husi programa ne’e atu promove no eleva koñesimentu husi juventude sira, aproveita mós atu promove inkluzaun”, hateten Prezidente Komisaun Organizadora CDITL, hafoin abertura seremonia iha edifisiu CDITL Bekusi, 04/10.

Iha fatin hanesan Diretór Ezekutivu CDITL, Martino Guterres hateten ba Neon Metin katak, objetivu husi atividade durante loron 5 ne’e  hanesan meius advokasia ida, ne’ebe durante ne’e Organizasaun ema ho difisiensia foka oinsá atu koalia maka’as ba governu no sosiedade sivil sira, atu tau  prioridade Ema ho defisiénsia, kompriende oportunidade halo interasaun ne’ebé laiha separasaun no diskriminasaun, la exklui ema ho defisiensia iha aspetu hotu.

Iha fatin hanesan Diretor Nasional Asosiativizmu Juventude, Jacinto António Ximenes liu husi Sekretáriu Estadu Juventude Desportu (SEJD) atividade ne’e importante tanba fó espasu ba joven sira, tanba joven sira ne’e la’os defisiénsia maibe inkluzaun, hotu-hotu partisipa iha laran. Entaun ida ne’e oportunidade di’ak ba joven sira atu espresa sira nia talentu no kriatividade iha momentu  ne’e,”.

Nia dehan SEJD sempre motiva no apresia ba programa hotu ne’ebe mak joven sira halo, tanba área juventude área ne’ebe bo’ot, nune’e ema hotu tenke preokupa ba juventude, tuir polítika SEJD nian katak foinsa’e millennial kreativa, nune’e atividade hotu ne’ebe joven sira halo iha sosiedade sira nia leet, liga ho dezenvolvimentu kreatividade.

Print Friendly, PDF & Email

LEAVE A REPLY

Please enter your comment!
Please enter your name here