Reportajen Agustina Soares
dezintendimentu entre votante sira ba Prezidente foun Federasaun Futebol Timor-Leste (FFTL), ikus mai kansela tiha kongresu ba Prezidente FFTL foun. Liu husi aktus hirak ne’e, Ministru Juventude Desportu no Arte Kultura, Nelio Isaac Sarmento hateten, ne’e aktus ida ne’ebe atu taka dalan ba apoiu FIFA mai iha FFTL no hatudu Timor-Leste nia imajen ladi’ak iha mundu Internasional.
“Ho kegagalan kongresu refere prejudika Fiderasaun Futebol Timor-Leste (FFTL), prejudika ba apoiu husi FIFA mai Timor-Leste”. Hateten Ministru Juventude desportu arte Cultura Nelio Isaac Sarmento ba jornalista iha Bidau Lesidere, Kinta-feira, 11/01.
Nia hatutan tan katak loloos aktus hirak ne’e labele akontese maibé iha grupu balun ego, husi grupu balu mak halo kansela ba kongresu ne’e.
“Aktu kongresu ne’e mak horseik halo kansela ne’e, tuir loloos labele akontese tanba ita la iha pensamentu ne’ebe mak iha katak ita esforsu atu integra hela iha mundu, katak iha eventu desportu barak iha mundu ita hakarak partisipa maibe tanba ema ida rua nia ego, grupu ida nia hakarak ita bele baralla buat hotu.” hateten MJDC.
Nune’e inklui mos ema sira mak servisu iha FFTL mos sei lakon sira nia oportunidade, nia hatutan.
Nia hateten, ita atu haree ba aktu kongresu Federasaun sira iha mundu mai kedas ho nia padraun mak FIFA, nune’e iha regras ne’ebe tenke halo tuir bainhira halo kongresu, tanba ne’e iha FFTL ema ne’ebe mak kompetensia boot atu ba halo kongresu eleisaun maka komisaun eleitoral, alein de ne’e iha mos komisaun rekursu tanba ne’e kuandu aktu ruma ne’ebe mak komisaun eleitoral halo sala membru sira iha diretu atu hasa’e sira nia rekursu.
Nia fundamenta tan katak liu husi informasaun ne’ebé espalla ona katak, komisaun eleitoral la halo tuir desijasaun ne’ebe mak komisaun rekursu halo, maibe komisaun rekursu mak aas liu iha aktu eleitoral nian iha organizasaun FFTL.
“Ita bele dehan katak balun ne’ebe mos karik iha interese ba iha kandidatura nune’e mak barailla buat hotu, laiha konsistensia lidera meza kongresu” Hateten Ministeriu Juvetude Desportu no Arte Kultura, Nelio Isac Sarmento hafoin fo posse ba funsionariu sira.
Governante ne’e hateten, liu husi aktus hira ne’e mak hatudu imagen la ladi’ak iha mundu internasional, tanba iha kongresu ne’e mos marka prejensa hosi Prezidente Asosiasaun ASEAN no Sekretáriu jeral AFF nian.
Tanba ne’e tuir planu iha fulan Dezembru tinan ida ne’e mos iha kompetisaun ba pra-kualifikasi ba piala Mitsubishi Cup hanesan Suzuki Cup, maibe ho situasaun hirak ne’e difikulta mos Timor-Leste nia partisipasaun iha Kompetisaun refere.
Nune’e governante ne’e husu ba Membru FFTL sira hotu, liu-liu ba grupu sira ne’ebe la iha diretu votus maibe influénsia hakarak sukit tun sa’e iha fiderazaun futebol nune’e mak Timor-Leste tenke simu konsekuénsia ne’e.
Tanba ne’e Ministru desvia ba Membru FFTL atu foti desijasaun lalais hodi realiza fila-fali kongresu ne’e hodi nune’e Timor-Leste bele hamosu fali fiar iha nivel internasinal ASEAN no mos Organuzasaun Internasional FIFA ho AFC nian.
