Reportajen Adroaldo ‘Saretukau’
Sekretaria Estadu Juventude Desportu (SEJD) halo vizita kortezia hodi hato’o atividade juventude no desportu ba Sekretariu Prezidente Munisípiu Bobonaru, oinsá iha kooperasaun ne’ebé di’ak hodi implementa atividade refere iha munisípiu Bobonaru.
Iha vizita kortezia ne’e, Sekretára Estadu Juventide no Desportu, Abrão Saldanha Nokosiku dehan atividade sira mak relasiona ho dezenvolvimentu juventude nian.
“Ami informa hela atividade juventude no desportu ne’ebe mak atu implementa iha Bobonaru, atu iha informasaun para tau matan ba atividades sira ne’e” hatete Abrão ba jornalista sira iha edifísiu Administrasaun Munisípiu Bobonaru, Segunda, 22/11.
Governante ne’e haktuir iha semana kotuk iha ona akordu orgániku entre SEJD ho Ministériu Admnistrasaun Estatal, nune’e atividade sira ne’e iha tinan oin koordena supervizaun direitamente ho governu lokal hodi tau matan no serbisu hamutuk ho governu sentral.
“Atividade iha área desportu nian mak hanesan jogu komunitáriu, eskolar reorganizoens artemarsiais iha juventude nian, programa estimulu emprendedorizmu sosial ba joven sira, formasaun juventude eleitu suku, formasaun ba joven sira iha área ICT, saúde reporodutiva no hospitalidade” tenik Nia
Nia dehan parte sekretária autoridade Munisípiu Bobonaru mos apresia ho programa sira ne’ebé mak parte SEJD hato’o, agora da-dauk sira mak involve iha prosesu sira ne’e no konaba estímulu emprendedeorizmu sekretáriu rasik mak halo availasaun.
“SEJD naturalamente asume kustu ba programa sira ne’e, no sei dezenvolve planu hamutuk kuandu baze iha ona governu lokal, entaun governu lokal ba oin sira bele foti inisiativa rasik, bele tau ona osan tanba sira iha ona osan rasik”, tenik nia.
