Home Notisia Sentru Formasaun Juventude Bobonaru Halao Programa Estímulu Ba Joven Suku no Kursu...

Sentru Formasaun Juventude Bobonaru Halao Programa Estímulu Ba Joven Suku no Kursu Lingua

296
0
SEJD vizita sentru formasaun juventude Bobonaru. [Foto: Adro | 22.11.2021]

Reportajen Adroaldo ‘Saretukau’

Sekretáriu Estadu Juventude no Desportu (SEJD), halo vizita ba Sentru Formasaun Juventude Munisípiu Bobonaru hodi haree besik kondisaun fatin serbisu no atividade ne’ebé sentru ne’e rasik halo iha tinan 2021.

Diretór Ezekutivu Sentru Formasaun Juventude Munisípiu Bobonaru, Alcino Lopes hateten durante ne’e atividade regular sentru juventude mak hanesan fo formasaun língua Inglés, lian Korea no mos programa sira ne’ebé apoiu hosi SEJD hanesan estímulu sosiál juventude suku.

“Aktividade konabá desportu komunitária no iha tan mak formasaun rua, formasaun ida Life Skills Basic (LSB) ne’e ita ba ona iha suku ida-idak no formasaun ida tan mak hanaran emprendedorizmu, oinsá mak ita kapasita ita nia joven no sira hatama ona proposta ba sentru juventude hodi kapasita aan di’ak liu tan hodi ezekuta orsamentu ho di’ak atu atinji efisiente no efikas”

Ba atividade Emprendedórismu Sosiál, Jestór Sentru Juventude Munisípiu Bobonaru ne’e hatete montante orsamentu ne’ebé SEJD apoiu mak total 60 mill ho tarjetu ba grupu 60, no iha ezekusaun 40% ba dahuluk nian Sentru Juventude ne’e rasik gasta ona $13.450. Sentru Juventude rasik aprova ona proposta 45 hosi proposta 85 ne’ebé sira avalia, kompostu hosi proposta sira mak mai hosi grupu juventude sira iha kada Postu Munisípiu Bobonaru nian.

“Joven sira inísia rasik ho sira nia kreatividade ne’ebé mak iha, depois sira hetan informasaun sira nia kreativdade foka liu iha pekuária hanesan hakika fahi, manu no bibi, ida tan mak konabá hortikultura kuda modo”, hatete Diretor Ezekutivu Alcino

Nia mos hato’o katak difikuldade ne’ebé grupu sira hasoru mak orsamentu la sufisiente ba sira nia grupu no seluk mak menus de jestaun, oinsá atu maneja, maibé nia espera liu hosi formasaun joven eleitu suku, bele hatan ona ba sira nia difikuldade hirak ne’e.

Iha parte sorin Jestór Alcino hato’o katak programa emprendedorizmu sosial hanesan programa ne’ebé foun iha tinan 2021, no ida ne’e sai mos difikuldade sentru nian, no sira tenke tun direita ba suku no postu sira atu bele monitoriza atividade ne’ebé grupu sira hala’o.

“Ita apresia tebes ho formasaun ida ne’e, ita espera katak matéria hirak ne’ebé mak mensiona, liga tebes ho sira nia grupu, tanba ita bele ko’alia harii grupu maibé planeamentu no proposta ladi’ak, difisil tebes, maibé espera sira bele hadi’a”, Alcino Lopes.

Iha parte sorin ba vizita ne’ebé Sekretariu Estadu Juventude no Desportu, Abrão Saldanha Nokosiku hodi hare deit kondisaun fatin ba serbisu nian, no programa no atividade sira ne’ebé dezenvolve iha tinan ida 2021, mezmu iha COVID nia laran, ida ne’e mak ba rona hosi sira.

“Ba sentru sira iha Timor laran tomak ne’e, governu mak assume hela sira nia despeza operasionál tinan ida tomak nian, ida ne’e sei kontinua governu nian ho orsamentu depende ba sira nia nesesidade kada tinan” tenik Sekretária Estadu.

Print Friendly, PDF & Email

LEAVE A REPLY

Please enter your comment!
Please enter your name here