Reportajen Joselina dos Santos
Governu liuhosi Prezidente Câmara de Comercio e Industria de Timor-Leste (CCI-TL), Jorge Serrano, simu vizita husi korteza Secretary Geral of ASEAN, Koa Kim Hourn, hodi halo enkotru kona-ba importansia setor privadu nasional no área produsaun hodi dezenvolve ekonomiku iha merkadu ASEAN iha futuru.
Hafoin enkontru, Prezidente CCI-TL Jorge Serrano, hateten, Vizita ida ne’e fó importansia ba setór privadu tanba iha ASEAN ne’e la’os de’it ko’alia kona-ba politika estratejia, maibé ekonomia importante tebes. Entaun vizita ohin ne’e fó motivasaun ba setor privadu liu-liu ba CCI-TL nomos ba sira ne’ebé sai autór ekonomiku iha Timor-Leste atu prepara di’ak liu hodi hola parte ASEAN iha futuru.
“Enkontru ohin ne’e la’o ho di’ak, tanba Sekretáriu Jerál fahe esperensia ba ami nomos ba pápel fundamental setor privadu nian kona-ba área potensial hodi dezenvolve Timor-Leste atu bele tama Merkadu boot ASEAN nian,” dehan, Prezidente CCI-TL Jorge Serrano, iha Akait, Tersa 03/04.
Nia haktuir, CCI-TL nia prepara mak atu reforsa setór privadu nasional no área produsaun sira nomos prepasaun ba área turizmu hodi hadi’a kualidade emprezariu sira-nia hanoin no Inklui mos prepara kuadru rekursu umanu nian ne’ebé servisu hola parte iha empreza sira atu forte nune’e bele hola parte Asean nian.
“Ha’u agradese ba Seretáriu jeral ASEAN, tanba enkotru ohin ne’e hanesan lisaun ne’ebé fó hanoin ami katak ita haree buat barak, maibé ita lahatene no dalaruma ita hatene maibé seidauk halo espera ida ne’e sei lori ita ba oin”, nia dehan.
