Reportajen Cresência de Castro
Ministerio Negocio Estrangeiro no kooperasaun (MNEK) halo diálogu ho parseiru Uniaun Europeia (UE), hodi koalia kona-ba kooperasaun iha area politika sosial, ekonomika no mós investimentu iha komersiu nian, nune’e mós MNEK Konsidera Uniaun Europeia sai Parseiru Prinsipál ba Timor-Leste.
Ministru Negocio Estrangeiro no kooperasaun (MNEK), Bendito Freitas Dos Santos hateten kooperasaun entre Uniaun Europeia ho Timor-Leste lao kleur ona , no dialogu parseria refere kona-ba kooperasaun iha area politika, sosial, ekonomika, investimentu iha komersiu nian, no asuntu ida ne’ebé-ke interesante no importante tebes, tanba Uniaun Europeia sai Parseiru Prinsipál Ba Timor-Leste.
“Uniaun Europeia nia apoiu mai Timor-Leste ne’e multi fasetas ida ne’e barak tebtebes iha area kona-ba ita nia saude ba nutrisaun, konstrusaun estadu, infraestrutura no ba parte barak tebtebes ne’ebe ke fundamental mai iha rai ne’e, tamba ida ne’e ohin prezensa Uniaun Europeia iha nee marka duni testamuna kona-ba firmeza kooperasaun apoiu uniaun eropeia mai ita,” dehan Bendito Freitas dos Santos ba Jornalista sira iha Salaun Nobre MNEK Pantai Kelapa, Kinta 15/02.
Nia haktuir, reprezentante ba iha Asea pacifiku nian ne’ebe kooperasaun uniaun europeia nian marka prezensa ohin iha dialogu de parseria nian atu bele hametim liu tan kooperasaun entre Timor leste ho uniaun europeia nian iha futuru.
Alende nia mos koalia tan katak, asuntu barak tebtebes Timor-Leste hasoru problema global iha termus ekonomikus, seguransa, cyber crime,dijitalizasaun, direitus humanus, demokrasia no eleisoes ho ida ne’e uniaun europeia nia apoiu mai iha area sira ne’e importante tebtebes.
Iha fatin hanesan, Vice Jerente, Diretor ba Asia no Pasifiku ba Servisu Asaun Externa Europei, Paola Pampalon hateten dialogu primeiro ne’ebe Uniaun Europeia halo iha Timor-Leste iha tinan ida ne’e konaba apoiu kooperasaun Uniaun Europeia nian ba iha Timor-Leste.
“Iha tinan ida ne’e kooperasaun Uniaun Europeia mai Timor-Leste, koko atu esplora kooperasaun saida mak bele halo di’ak liu tan iha tinan oin mai no iha futuru mai,” hateten nia.
Nune’e mós Uniaun Europeia kontinua sei nafatin fó apoiu ba Timor-Leste hodi bele adere lalais ba iha ASEAN.
