Home Notisia Samalarua: Presiza Hatuur Sakrifísiu No Voluntarizmu Hodi Serví Ba Interese Públiku

Samalarua: Presiza Hatuur Sakrifísiu No Voluntarizmu Hodi Serví Ba Interese Públiku

131
0
membru RENETIL José Neves"Samalarua. [Foto: Adroaldo | 23.06.2022]

Reportajen Adroadlo “Saretukau”

Iha reflesaun loron RENETIL ho tema “RENETIL iha kombate hasoru vísiu polítika sira: to’o iha ne’ebé ona?” hodi selebra aniversáriu Renetil nian ba dala-34, membru RENETIL, José das Neves “Samalarua” dehan vísiu polítiku ne’e mai hosi vísiu individual lubuk ida, tanba ne’e presiza halakon liu hosi hatuur nafatin vontade voluntarizmu, no nafatin sakrifika aan ba prosesu dezenvolvimentu rai ne’e.

“Ha’u haree ita nia situasaun, primeiru ita lakon tiha valor ida uluk ita barak kaer mak sakrifísiu, sakrifísiu ita komesa hamenus, ita la konsege hatuur iha interese públiku, tanba uluk ita sai hosi Bali to’o Jakarta ho osan la iha, sakrifísiu, la iha sakrifísiu ita la ba ida, ita sai hosi Surabaya to’o Bali la han, se la iha vontade ida sakrifika aan, ita la ba ida, valor ida ne’e mos ha’u hanoin sei iha, se valor ne’e iha ita konsege hamate vísiu polítiku balun,” dehan José “Samalarua” iha kalan reflesaun ne’e, iha Sede Renetil, Farol, 20/06.

Membru RENETIL ne’e hatete, atu hamate vísiu polítiku presiza hamate uluk vísiu pessoal ne’ebé interrompe polítika estadu, ida mak tenki mantein espíritu ida sakrifísiu. Nia dehan, uluk ita sakrifika aan la sura, atu mate mos ne’e opsaun ka desizaun ida, maibé agora hahú muda no reklama favor ne’ebé uluk ita halo, hodi ita la konsege sakrifika hikas ita nia aan, hatudu ita nia espíritu voluntáriu ba luta libertasaun povu ne’e nian.

“Mais estadu presiza sakrifísiu nafatin, estadu sei presiza voluntarizmu, ida ne’e voluntarizmu polítiku obriga ita atu bele la reklama ba estadu atu fo saída mak ita nia hakarak, iha ne’e La Sama ko’alia tiha lia-fuan, mate nu’udar estadista, ha’u nia dignidade la aas liu estadu nia dignidade,” Samalarua hato’o.

Ni-nia haree, 20 anus Timor ukun aan ona maibé estadu ne’e sei frajil hela, tanba ita sei iha vísiu polítiku barak. Maibé ba nia sente di’ak tebes ho valor Renetil nian ne’ebé sei halibur nafatin membru sira hamutuk hodi fo korajen ba malu nafatin hodi lori ida-idak nia knaar tuir nia dalan.

“Fila-fali ba ida-idak nia knaar, ita nia funsaun iha partidu ka, iha governu ka iha sosiedade sivíl, ita konsege tau aan ka lae? Dala ruma sosiedade sivíl sente di’ak liu governu, governu mos dala ruma sente los liu krítiku balun hosi sosiedade sivíl, instituisaun estadu mos sei defende nia aan, egoizmu seitorial sei dominante” dehan Samalarua.

Tuir José Samalarua, vísiu polítiku la mosu iha nível polítiku, ida ne’e sai hosi ema ida-idak hafoin konstroi hikas vísiu polítika ne’e, tanba ne’e mak nia dehan, atu hadi’a fila-fali vísiu polítika estadu ne’e iha ne’ebé? Mak liu hosi halo sakrifísiu barak.

Print Friendly, PDF & Email

LEAVE A REPLY

Please enter your comment!
Please enter your name here