Home Saude 22 Juñu, kazu Dengue Foun 4, Totál Kazu Akumulativu 5,244 no Obitu...

22 Juñu, kazu Dengue Foun 4, Totál Kazu Akumulativu 5,244 no Obitu 56

84
0
Ilustrasaun susuk Dengue. [Foto: Google | 22.01.2022]

Reportajen David da Costa Gusmao

Tuir dadus ne’ebe relata hosi Diresaun Nasionál Saúde Publika (DNSP) no Departamentu Vijilánsia Epidemiolojia Ministériu Saúde (MS) nian,  ne’ebe Neon Metin asesu, ohin Ministru Saúde (MS) rejista kazu dengue foun na’in 4,  no kazu akumulativu dengue hamutuk 5,244 no obitu 56.

“Situasaun kazu dengue iha Timor-Leste ohin loron,  MS  rejista kazu dengue foun 4 no husi totál  kazu ne’ebe relata iha loron ohin mai husi Munisípiu Dili, no kazu dengue akumulativu  hamutuk 5,244 no totál obitu na’in 56,” hateten iha komunikadu imprensa ne’ebe neon metin asesu iha loron kuarta 22/06.

No kazu dengue ne’ebe deteta, maioria mai husi Munisípiu Dili ho total 3655, tuir tan maka Baucau ho kazu 331,  Manufahi kazu 213, Manatuto ho kazu 176, Lautem ho kazu 164, Liquica kazu 161, Munisipiu Covalima ho kazu 149, Ermera ho kazu 118, Aileu ho kazu 85, Viqueque 83, Bobonaro ho kazu 58, Ainaro ho kazu 45, no RAEOA ho kazu 6.

Em geral kazu Dengue espalha ona iha territóriu Timor-Leste laran tomak. husi fulan Dezembru 2021 kazu komesa aumenta ho total 225, maibe iha fulan Maiu 2021 kompara ho fulan Maiu 2022 kazu barak liu ho total 479 kazus.

“Idade Mais afetadu maka  husi idade menus husi 14 anos mai kraik ho grupu idade 5-14 ho  41,8% no idade 1-4 ho 35,8%. Ho ida ne’e Attack Rate (AR) idade 1-14 anos a nivel Nacional ho 0.9%,” hateten iha komunikadu ne’e.

Nune’e kazu Distribuisaun  tuir klasifikasaun dengue ho versaun foun tuir matadalan  manajementu kazu ne’ebe relata husi munisipiu. Husi dia 10 de Abril ate presente maka Dengue  Leve (DL) ho total 575 kazu, Dengue Moderadu (DM) ho total 366 kazu no Dengue Severa (DS) ho total 50 kazu.

“Kazu obitus  iha inicio tinan 2022 ate a data ho total 56 obitos ida ne’e representa Case Fatality  Rate nivel nasional ho porsento 1,1%.,” Tenik iha komunikadu ne’e.

Tanba ne’e  Ministériu Saude (MS) apela ba populasaun iha Dili laran no mósiha Munisipiu sira seluk, atu aprezenta-an iha fasilidade públiku saúde (Sentru Saúde ka Ospitál) ne’ebé besik, wainhira  sente isin-manas, ka Senti laran sa’e,liman ain no sikun moras hodi bele hetan atendimentu husi profisionál saúde sira.

Print Friendly, PDF & Email

LEAVE A REPLY

Please enter your comment!
Please enter your name here