Home EduTek DKS UNTL halo Aula Publiku Kona ba Etika Jurnalizmu

DKS UNTL halo Aula Publiku Kona ba Etika Jurnalizmu

179
0

Santina L. Da Costa

Estudante Universidade Nasional Timor-Lorosa’e (UNTL), Fakuldade Siensia Sosiais politikas (SISPOL), Departamentu Komunikasaun Sosial (DKS), organiza aula publiku ho tema, “Etika Jornalista, Mundu Jornalismo no Nia Futuru.”

Tuir Xefe Departamentu Komunikasaun Sosial UNTL, Dominika Duikori Sitaresmi katak, objetivu husi aula publiku ne’e, sira iha ideia ida, hodi bolu Pak Imam Wayhudi, sai hanesan orador ba aula publiku, hodi fahe nia esperiensia ne’ebé mak nia iha, antes atu fila ba nia rai indonesia, tanba Imam Wayhuidi hanesan membru Konsellu Imprensa Indonesia, no mós eis jornalista RCTI no nia mós sai hanesan treinador internasional. Aula Publik ne’e ne’e halao iha salaun SISPOL, fatin kampus UNTL tuan, Kaikoli, iha loron, Kinta-feira, 02/08/2018.

“Ami iha ideia ida imam Wayhudi agora ne’e nia fó treinamentu ba estudante unital ne’ebé remata ona, antes nia atu fila ami hatene katak nia mós hanesan membru konsellu imprensa indonesia, hanesan mós eis jornalista RCTI nune’e mós hanesan treinador internasional, entaun antes atu fila ba nia rai ami aproveita nia tempu hodi fahe nia espriensia ba estudante sira.”katak Xefe DKS UNTL ba jornalista Neon Metin, bainhira remata seminariu refere.

Nune’e mós orador Imam Wayhudi katak, sai jornalista ne’e laos buat ida ne’ebé mak fasil, ou bele mós dehan katak la’os buat ne’ebé mak difisil, maibé presija paisaun ita nia hakerek, bele lori ema, jornalista ne’e rasik bele ba iha lalehan no bele ba infernu, ho ninia produtu notisia ne’ebé mak nia hasai, presija orgullu ita nia profisaun nu’udar jornalista tanba profisisaun jornalista kuaze atu hanesan ho profeita, tanba saida mak dehan besik atu hanesan profeita tanba profeita mós hato’o lialos  no jornalista iha notisia nia tenki hato’o buat ne’ebé mak ho los no mós halo ema bele fiar.

Nia fortifika liu tan konaba neutalidade husi jornalista ninian, jornalista hakerek notisia labele sadere ba parte balun, presija mós eskeptista tenki iha rasa ragu uituan ba buat ne’ebé mak ita fó sai, jornalista kuandu laiha hanoin kritiku ba iha buat ne’ebé mak ita fó sai ne’e laos jornalista maibé nia sekedar hato’o informasaun de’eit tanba ne’e mak sai hanesan jornalista presija eskeptis ba saida mak ita hakerek tenki iha ragu atu nune’e bele kritiku ba saida mak ita sei fó ba iha publiku.

Iha fatin hanesan estudante DKS UNTL Zelita hateten, nia senti orgullu tanba nia bele hatene definisaun no objetivu husi jornalismu, no nia nudar jerasaun foun nia kontenti teb-tebes ba oportundade refere.

“Hau nudar estudante ne’ebé mak partisipa , hau senti orgullu no agradese tanba hau bele aprende definisaun no objetivu husi jornalismo ne’e rasik, tanba iha ne’eba pak imam esplika mós katak jornalista mak sai hun ida ne’ebé mak presija atu hala’o iha futuru mai tanba hau nudar jerasaun foun hau kontenti teb-tebes ba oportunidade ida ne’e, ” katak estudante Zelita. Nia mós rekomenda ba Departamentu Komunikasaun Sosial tinan-tinan kria nafatin seminariu ida ne’e hodi nune’e bele kapasita estudante sira ba futuru oin mai.

Aula publiku ne’e organiza husi Departamentu komunikasaun sosial UNTL no apoiu husi UNESCO, Konsellu Imprensa, alende ida ne’e partisipa mós husi estudante UNITAL hosi Departamentu Komunikasaun Sosial.

 

 

LEAVE A REPLY

Please enter your comment!
Please enter your name here