Home Notisia Prezidente Republika Nomea Rui Gomes, Taur: Nia Merese Lidera Ministeriu Finansas

Prezidente Republika Nomea Rui Gomes, Taur: Nia Merese Lidera Ministeriu Finansas

277
0
Prezidente Republika Nomea Dr. Rui Gomes ba MF. [Foto: Media PR | 23.11.2020]

Reportazen Santina Lucia da Costa

“Dr.Rui sei haktuir matadalan prinsipál sira hanesan Programa VIII Governu, Planu Rekuperasaun Ekonómika no ninia espresaun iha Orsamentu Jeral Estadu ne’ebé sei aprova husi Parlamentu Nasional”. Lu Olo

Prezidente Republika Francisco Guterres Lu-Olo liuhusi Dekretu Prezidente Repúblika númeru 68/2020 nomea Rui Augusto Gomes, hodi asume pasta Ministru Finansas iha VIII Governu Konstitusionál.

“Hau saúda Dr. Rui Augusto Gomes, ne’ebé to ohin hala’o knaar nu’udar asesor Prezidente Repúblika, tanba simu reponsabilidade hato’o husi Primeiru-Ministru, Jeneral Taur Matan Ruak, tuir dalan Konstituisaun haruka.” Hatete Prezidente Republika  Francisco Guterres Lu-Olo iha nia diskursu iha ambitu serimonia tomada de posse ba Aktula Ministru Finansas Dr. Rui  Ausgusto Gomes iha Palasiu Prezidensial, Bairu-Pite, loron, 23/11.

Prezidente Republika haktuir ho konfiansa tomak no esperansa katak dezempeñu  finanseiru no ekonómiku husi governu no setor públiku en-jeral sei hadiák liután, mak ha’u deside nomeia Dr. Rui Gomes nu’udar Ministru Finansas.

Nomeasaun Dr. Rui Gomes nian ba Ministru Finansas sai efeitu liuhusi Dekretu Prezidensial númeru 68/2020, publika ohin iha Jornal Repúblika.

“Haktuir nomeasaun ne’e mak ha’u foin fó pose liubá.” Tenik, Lu-Olo.

Prezidente Lu Olo hateten signifika katak Ministru Finansas foun hahủ ninia knaar husi ohin ba oin, husi loron ne’ebé nia simu pose husi Prezidente Repúblika, “ita iha espetativa boot tebes katak Dr. Rui Gomes, liuhusi ninia knaar nu’udar Ministru Finansas, sei husik marka pozitiva no ezemplar ba VIII Governu no ba ita-nia País”.

Lu-Olo akresenta Dr Rui sei haktuir matadalan prinsipál sira hanesan Programa VIII Governu, Planu Rekuperasaun Ekonómika no ninia espresaun iha Orsamentu Jeral Estadu ne’ebé sei aprova husi Parlamentu Nasional, Señor Ministru Hosi ohin ba oin, Ita-Boot hassoru dezafiu foun ida iha ita-nia vida politika no profisionál.

Lu-Olo dehan governu konta duni ho V. Exa ba tarefa espesiál, atu tau matan ba área planeamentu no monitorizasaun anuál orsamentu no finansas públikas no mós atu kontribui ho efikásia, efisiénsia no efetividade ba jestaun finanseira públika, atu bele hadi’ak duni servisu aprovizionamentu, dexentralizasaun finanseira, jestaun rigoroza ba kontas públikas no atu hasa’e ekonomia nasional ba beibeik.

Iha fatin hanesan Primeiru Ministru Taur Matan Ruak deseja no susesu ba Ministru Finansas foun no agradese ba Vise Ministr Finansas Sarah Brites ne’ebé durante assume nia knaar no kontinua serbisu hamutuk ho Ministru Finansas, Dr. Rui Gomes ne’ebé iha koñesimentu kle’an kona-ba funsionamentu di’ak.

“Ha’u nia pontu devista katak Rui Gomes mak ema ne’ebé merese duni lidera Ministériu Finansas to’o governu nia mandatu remata”, hateten Taur Matan Ruak

PM Taur mós informa katak Ministru Finansas sesante, Fernando Hanjam la konsege kontinua tanba kondisaun saúde ne’ebé la permite. Nune’e iha loron 5 Novembru Ministru sesante Fernando Hanjam hato’o nia karta demisaun ba Primeiru Ministru hodi husu atu demite nia husi nia kargu.

Primeiru Ministru ne’e mós agradese ba Sekretáriu Jerál Partidu Fretilin, Dr. Marí Alkatiri no Konselleru Másimu Khunto, José dos Santos Naimori Bucar tanba ho komunikasaun di’ak hodi hili hikas Rui Gomes hodi asume hikas Ministru Finansas ba governu konstituisionál daualu.

Print Friendly, PDF & Email

LEAVE A REPLY

Please enter your comment!
Please enter your name here