Home Notisia CIJK: Mosu Stigma Ba Maluk Positivu Covid-19, Familia, Profesional Saude no Cleaner...

CIJK: Mosu Stigma Ba Maluk Positivu Covid-19, Familia, Profesional Saude no Cleaner Hosi Ema Balun

445
0
ilustrasaun konaba hetan stigma ka buying hosi ba Ema Sira konaba Covid-19 no frontline. [Foto: Copyright mimbar urang.com | 19/04/2020]

Reportazen Zevonia Vieira

Moras surtu Covid-19 numeru positivu iha Timor-Leste ohin loron 19 Abril aumenta ida, iha parte sorin total maluk sira ne’ebe iha kuarentena obrigatoriu hamutuk 594. Hodi proteze no  halo asaun preventivas ba ema sira kuarentena, maluk sira iha front line ka linha oin hanesan cleaner, professional saude, inklui maluk kuanrentena no familia sira ne’ebe mako an sira konfirmadu positivu ba covid-19 hetan diskriminasaun ka mosu stigma ba sira.

 Liu hosi konferensia imprensa portavoz Centru Integradu Jestaun Krize [CIJK], Dra. Odete Viegas informa katak mosu diskriminasaun ka stigma ba maluk sira positivu, ba familia, ba professional saude sira, ba cleaner sira, ba ema hotu ne’ebe mak halo serbisu besik ba maluk sira ne’e.

“Husu ba maluk sira atu la hamosu diskriminasaun, se lae ita nia maluk sira ne’ebe suspeitu sira lakohi hakbesik mai ita no sira iha komunidade nia leet bele sai risku boot ba komunidade tomak iha fatin ne’ebe mak hela ba”, hateten Dra. Odete iha CCD, 19/04.

Dra. Odete mos informa katak iha loron 18 Abril ekipa Covid-19 halo akonseilamentu ba maluk sira ne’ebe iha Tasi Tolu, tanba maluk sira ne’e  falta de informasaun bele fo impaktu ba sira nia psikolojia atu aumenta stress.

“Parte Ministeriu Saude nian fo apoiu moral no psikolojika, ne’e importante no mos iha kreatvidade ruma ba sira, entaun ohin dader hahu ezersijiu fiziku ba sira, maibe nafatin distansia sosial no uza nafatin medidas preventivas ne’ebe mak iha no sira rekonnese katak buat balun ne’ebe sira la kumpri. Sira agredese ba esforsu governu nian no sosiadade tomak, konvinsoins relijioju tomak no sosiadade sivil, hodi sira bele kontinua halao sira nia knaar hanesan ema ne’ebe mak iha fatin kuarentena, atu nune’e antes kumpri loron 14 molok sira sae, tenke halo fali testu, atu nune’e sira se negative dala rua entaun sira bele hamutuk ba familia iha uma, hamutuk ho sosiadade maibe nafatin Pratika medidas prevensaun kontinua nafatin”, esplika Dra. Odete ba jornalista sira.

LEAVE A REPLY

Please enter your comment!
Please enter your name here