Home EduTek SEJD Lansa Media Sentru Foinsa’e Boaventura, Carmo: Fahe Informasaun Iha Pandemia COVID

SEJD Lansa Media Sentru Foinsa’e Boaventura, Carmo: Fahe Informasaun Iha Pandemia COVID

382
0
SEJD lansa sentru media Foinsa'e Boaventura. [Foto: David | 12.08.2021]

Reportajen David da Costa Gusmao

Governu liu husi Sekretáriu Estadu Juventude no Desportu (SEJD) halo lansamentu ba Media  Sentru Foinsa’e Dom Boaventura Manu-fahe (SEFOBOM) iha Munisípiu Manufahi.

Tuir Sekretáriu Estadu Juventude no Desportu, Abrão Saldanha Nokosiku hateten objetivu husi media SEFOBOM iha sentru foinsa’e Manufahi nian ne’e  atu sira iha inisiativa rasik hodi kria media ho forma online no YouTube.

“Sira iha inisiativa rasik hodi kria media SEFOBOM ida ne’e hatudu katak juventude sira iha hodi fo formasaun ba maluk joven sira seluk no fahe atividade no informasaun sira ne’ebé iha, tanba ne’e mak ita hatene katak SEJD hanesan toma konta ba sentru juventude sira, ita apressia tebes”, Nokosiku iha Centro Juventude Manufahi, 11/08.

Nia dehan importánsia ohin loron komunikasaun no formasaun nian importante tebes, ba ema ho ida ne’e, dominasaun teknolojia no aproveitamentu media online sira importante tebes hodi fó espasu ba foinsa’e aprende, no hetan informasaun seluk kona-bá saida mak akontese iha rai laran liuliu iha munisípiu Manufahi.

Relasiona ho SEFOBOM, Nokosiku hateten  media SEFOBOM iha munisipiu Manufahi sai ezemplu di’ak ida ba munisípiu sira seluk, ne’ebe ho inisiativa harii centro Manu-fahe, bele inspira centro sira seluk iha munisípiu hotu, nune’e aproveita plataforma online nian hodi kria espasu ba iha meius komunikasaun.

SEJD sei koordena ho Sekretáriu Estadu Komunikasaun Sosial (SECOMS) atu nune’e oinsa ho inisiativa hodi forma foinsa’e sira atu bele iha kapasidade jornalizmu ida ne’ebé di’ak atu nune’e fo informasaun los ba komunidade  sira, hodi bele evita fahe hoax no lia falsu sira iha media sosiál.

Iha fatin hanesan, Programa Manager SEFOBOM, Carmo da Costa afirma tan katak,ho inisiativa rasik hodi harii media ida ne’e, oinsa habelar informasaun ba iha ema hotu inklui iha mundu, ligadu ho atividade ne’ebé mak sira halo hanesan formasaun, apoiu komunidade sira durante iha situasaun pandemia covid-19 nia laran no seluk tan.

“Programa sira ne’ebé mak serbisu ho governu Australia iha Timor-Leste, hanesan programa ortikultura, Pekuária no seluk tan ne’ebé mak durante ne’e ami halo,” dehan nia.

Aleinde ida ne’e programa sira seluk mak liga liu ba iha SEJD konaba formasaun lian Ingles, komputadór, IT no manutensaun ekipamentu informátika nian ne’ebe durante ne’e fasilita ona ba foinsa’e sira

Nia konfesa kata preokupasaun ne’ebé mak durante ne’e sira enfrenta mak fasilidade kamera, tripod no seluk tan seidauk iha, ho ida ne’e sira uza ekipamentu baibain de’it.

SEFOBOM fasilita ona estudante no juventude sira hamutuk 116, ho juventude hirak ne’e, sira fasilita oinsa halo editing no sai narradór, oinsá hakerek testu ba notísia.

Print Friendly, PDF & Email

LEAVE A REPLY

Please enter your comment!
Please enter your name here