Home Notisia Mal Nutrisaun no Inseguransa Ai-han Iha Ermera, Bobonaro no RAEOA Boot Liu

Mal Nutrisaun no Inseguransa Ai-han Iha Ermera, Bobonaro no RAEOA Boot Liu

223
0
labarik sira iha Orahou. [Foto: Zevonia Vieira | 22.02.2021]

Reportazen Francisco JDA

Gabinete apoiu Sosiedade Sivil hamutuk ho Forum Organizasaun Naun Governamental Timor-Leste (FONGTIL) fahe informasaun ba membru sosiedade sivil sira kona ba problema mal nutrisaun iha Timor- Leste no husu atu fo informasaun lolos ba komunidade sira, nune bele komprende no asegura ai-han sira ne’ebé mak di’ak no saudavel.

Koordenador Gabinete Apoio Sosiedade Civil, Filipe da Costa ba jornalista sira hateten, Timor-Leste tama ona iha Movimentu Scaling Up Nutrition (SUN) ne’ebe kompostu hosi nasaun 62 inklui Timor-Leste atu bele luta makaas ba hadia mal nutrisaun iha Timor-Leste inklui nivel mundiál.

“Ita iha esforsu desde primeiru governu  to’o ohin loron ita konsege dokumenta estrategia sira ne’ebé ko’alia kona ba halakon hamlaha iha ita nia rain no asegura ai han iha fatin hotu, maibé oinsá mak ita halo asaun multi sektoral ida atu nune’e bele implementa seitor estratéjia sira ne’ebé ita halo tiha ona, tanba ita nia presaun to’o 2030, ita tenki atinji ai-han seguru no nutrisaun di’ak tuir planu estratéjia dezenvolvimentu Nasionál”, hatete Koordenador Gabinete Apoio sosiedade Sivil iha salaun FONGTIL, 22/02.

Filipe da Costa reforsa tan, iha Timor-Leste forma sira ne’ebé liga ba mal nutrisaun ne’e makaas tebes raes ka badak sei iha 47,1% hatudu katak iha mal nutrisaun aas no dadus insegurasaun ai-han 36%, entaun presiza reduz ida ne’e ho multi sektoral, edukasaun hasae ema nia konnesimentu ai-han nutritivu, saúde koalia kona ba inan isin rua, fo susuben katak presia multi setoral no seitor hotu tenki serbisu hamutuk.

Filipe realsa tan Timor-Leste iha dezafiu mak atu atinji rezultadu lalais ne’e rekursu la suficiente, no presiza fahe informasaun lolos atu ema iha konnesimentu, maibé fiar katak ema hotu sei esforsu no espera katak loron ida sei atinji metas ida, atu bele iha nutrisaun di’ak no ai-han seguru ba komunidade hotu.

Iha fatin hanesan Diretor Exekutivu FONGTIL, Daniel dos Santos iha intervensaun hatete katak, Timor- Leste ne’e problema boot kona ba nutrisaun, tanba dadaun hosi Municipiu Ermera, Bobonaru no Oe-cusse mal nutrisaun no inseguranca ai-han boot liu, tanba ne’e serbisu hotu ne’ebé sosiedade sivil halo atu bele kontribui ba problema mal nutrisaun no halo rai ne’e sai potensia agrikultura nune’e bele seguru ho ai-han.

LEAVE A REPLY

Please enter your comment!
Please enter your name here