Home Notisia APFTL ho Oxfam Sei Realiza Expozisaun Jovem Ba Mudansa Iha Seitor Agrikultura

APFTL ho Oxfam Sei Realiza Expozisaun Jovem Ba Mudansa Iha Seitor Agrikultura

441
0
APFTL ho Oxfam iha konferensia imprensa. [Foto: Media Oxfam | 22.02.2021]

Reportazen Francisco JDA

Alumni Parlamentu Foin Sa’e Timor Leste (APFTL) no Oxfam lansa programa expozisaun Juventude no Agrikultura, liu hosi konferensia imprensa Estrategia and Environment Lead-Oxfam, Adilson da Costa ba jornalista sira hateten dalaruma ema hanoin katak serbisu iha seitor agrikultura ne’e foer no joven barak dalaruma la iha interese, atu dezenvolve seitor agrikultura ka seitor produtivu sira seluk, maibé realidade hatudu katak iha grupu ne’ebé identifika, sira iha investimentu boot tebes ne’ebé tenki promove duni, nune’e governu tenki tau matan, investe, ba asegura joven sira nia ambiente nune’e bele ba oin.

“Oxfam hakarak kolabora ho APFTL realiza eventu ida ne’e no sei la remata  iha Ermera de’it maibé ita sei kontinua ba munisípiu seluk ne’ebé hanoin importante atu explora potensia sira ne’ebé mak iha, liu-liu ba grupu juventude feto sira, ema ho difisensia no grupu sira seluk ne’ebé ohin loron iha, maibé dalaruma la dun hetan atensaun di’ak hosi governu”, hatete Adilson da Costa iha Oxfam, Hudi Laran, 22/02

Adilson da Costa konsidera katak, joven sira nia dedikasaun ba kreatividade, investimentu no partisipasaun iha seitor agrikultura sei haburas di’ak liu tan ba ekonomia familia nasaun nian, bainhira governu kontinua apoiu no fo espasu ba joven sira atu promove sira nia kreatividade no produtu sira atu valoriza no rekonnese joven sira nia serbisu.

Iha fatin hanesan Prezidente APFTL, Zaulino da Silva iha sala konferensia hatete maioria iha Timor-Leste 80% mak moris ho vida agrikultura, tanba ne’e agrikultura sai parte importante iha dezenvolvimentu ekonomia familia no nasaun nian, nune’e relatorio Oxfam hatudu katak joven la dun interese, tanba sira sente katak serbisu agrikultura ne’e serbisu todan.

“Joven balun hahú ona atividade ne’ebé orienta ona ba hadia ekonomia familia no nasaun nian, expoisaun ida ne’e nudar espasu ida ba joven sira,, atu hatudu sira nia talentu no kreatividade ba públiku, nune’e bele influensia desizaun polítiku sira, oinsá atu hateke hetan ona katak joven sira hahú ona atividade ne’ebé orienta ba hadia ekonomia familia no nasaun nian”, hatete Prezidente APFTL.

Nia dehan Expozisaun ho tema joven ba mudansa ne’e sei hala’o iha Municipiu Ermera ho orsamentu 6 mill no sei hahú iha loron 4 Marsu.

Print Friendly, PDF & Email

LEAVE A REPLY

Please enter your comment!
Please enter your name here