Home Analisa Jornada Juventude Loriku As’wain Iha Tinan 29 Ba Kotuk Mak Masin no...

Jornada Juventude Loriku As’wain Iha Tinan 29 Ba Kotuk Mak Masin no Roman Mundu Nian Ba TL nian Liberdade Ukun Rasik An

323
0
Hakerek nain R. Khollyle. [Foto: Dokumentu Privadu | 22.11.2020]

Hakerek nain R. Khollyle

Ohin loron, Juventude no ema hotu bele ona haksolok hodi goza anin “Liberdade Ukun Rasik-An”. Juventude sira presiza hatene no Relembara fila fali história Pasadu, Luta Liberdade husi Juventude Loriku As’wain sira, iha tempu pasadu iha tinan 29 ba kotuk hodi ita bele hateke dok liu ba futuru Timor-Leste ne’ebe loron ida sei mai no besik ita. Juventude Loriku As’wain sira Uluk loke sira nia hirusmatan no sé sira nia Rento’os ba kilat tutun rejimi militar okupantes Ilegal Indonezia, hodi Luta no ejiji Liberdade Ukun Rasik-an. Juvetude uluk la dezanima la baruk, la kole satán la tauk atu KONTRA ba Violasaun Direitu Umanu ne’ebe halo husi Rejimi Militar Soeharto tamba sira hatene, so ho KONTRA ba rejimi ne’e maka bele hetan LIBERDADE Ukun Rasik-An. Iha sira nia Luta sira hetan mos Apoiu Motivasaun no Inspirasaun husi sira nia maluk Ativista Kontra Violasaun Direitu Umanu husi Nasaun Sudeste Aziátiku, Eropa, Afrika no kontinetal Amerika, inklui Apoiu totalmente husi Lider boot Falentil Kay Rala Xanana Gusmão, Lider boot Igreja Katóliku Dom. Carlos F.X. Belo Munseñor Apostóliku Bispu Timor-Leste no Servisu Diplomata ne’ebe Lidera husi Dr. José Manuel Ramos Horta. Jorada Luta ba Liberdade Ukun Rasik-An nian, ita mos la haluha kontribuisaun husi Jornalista Maun Max Sthal ne’ebe halo Filmajen Masakre 12 Novembru 1991, Wainhira Juventude Loriku As’Wain Partisipa Misa iha Heroi boot Juventude Saudozu Sebastião Gomes nian aifunan semana ida nian no halo Manifestasaun tutuir dalan husi Igreja Motael ba iha Semiteriu Santa Cruz to’o akontese Masakre boot iha Santa Cruz. La to’o deit husi kontribuisaun Maun Max Sthal nia maibe ita mos sei iha Heronia ida maka Mana Saskia Kowenberg ne’ebe lori sai Filmajen masakre 12 Novembru 1991 nian sai ba rai liur, hodi loke Mundu Internasional nia matan ba Violasaun Seriu no Grave Direitu Umanu iha Timor-Leste. Se ita hare didiak Juventude As’Wain nia kontribuisaun iha jornada luta ba Liverdade Ukun Rasik-An, laos deit iha Involvimentu Asaun Manifestasaun 12 Novembru tinan 29 ba kotuk, R. Khollyle. maibe Juventude hola nanis ona sira nia posizaun ba luta ida ne’e, liu husi Organizasaun Juventude sira maka hanesan: OJETIL, OPMT no UNETIM hodi reafirma sira nia Posizaun no Prinsípiu total ba luta liverdade Ukun Rasik-An. Juventude Loriku As’wain sira barani no sai barani liu-tan wainhira Vizita Sua Santidade Papa João Paulo II Mai Timor iha 1989, hodi prezidi misa iha Tasi Tolu-Dili ba Timor Oan tomak Atu hetan Paz no hakmatek. Iha Sua Santidade nia omilia ne’ebe sunu no motiva ho Inspira Juventude Loriku As’wain sira ho lia fuan “Imi Maka Masin no Roman Mundu Nian”. Iha Momentu ne’eba kedas ita hare ita nia Juventude Loriku As’wain sira komesa Organiza malu hodi hmosu Organizasaun oi-oin hanesan: Fitun, Sagada Familia Santo Antonio “Chagas 55”, Estudante no Juventude Renetil iha Indonezia, Estudante no Juventude iha Timor-Leste DSMPPTT, GFFTL no organizasaun sira seluk ne’ebe karik hau la konsegue temi idak-idak nia kontribuisaun ba luta Liberdade Ukun Rasik-An. Se ita hakrak halo komparasaun luta Juventude uluk no agora karik ami kbiit la to’o atu koalia no sura sakrefisu no kole ba imi nia luta hirak ne’ebe imi halo iha tempu ne’eba hodi ohin Juvetude no Timor oan hotu bele dada anin fresku LIBERDADE Ukun Rasik-An nian. Iha fulan Selebrasaun loron JUVENTUDE nian, wainhira hau tuir Seremonia Isar bandeira ba Fulan Novembru iha Palasiu Governu ne’ebe lidera husi Sekretária Estadu Igualdade no Inkluzun, iha Exelénsia Sekeretária Estadu nia diskursu nia mos sita lia fuan balu ne’ebe inspira ba Juventude sira katak “Imi la Presiza tan Mate atu sai Heroi ba timor, naton deit ho imi nia dedikasaun ba kanar no responsabilidade tuir idak-idak nia imi sai ona Heroi no fo’o ona Valor ba imi nia Heroi sira” Ho nu’une hau hakrak husik hela mensajen ba juventude agora atu oinsa ita bele prinxe Liverdade Ukun Rasik-An ne’e ho Responsablidade hodi halakon Stigma ne’ebe ita sempre rona husi ita nia inan aman no lider sira katak Juventude sira maka autor ba Komflitu ne’e sai fali ba Juventude maka autor Prinsipal ba Dezenvolvimentu no futuru ba Nasaun Timor-Leste. Ita hotu hatene ida ne’e la fasil maibe se ita hakrak sei sai fasil, se ita la halo ida ne’e ita sei hela ho defisil ba jornada Futuru Timor-Leste ne’ebe dok no sei dok liu tan husi ita. Timor-Leste hein hela ita, Timor-Leste Presiza Tebes ita keta haluha Estuda Mak’as, Servisu Maka’as no Agradese ba buat hotu ne’ebe sira no ita halo

LEAVE A REPLY

Please enter your comment!
Please enter your name here