Reportazen Zevonia Vieira
Centru Integradu Jestaun Krize [CIJK], informa situasaun moras Covid-19 iha Timor-Leste, liu hos konferensia imprensa, portavoz CIJK, Dr. Rui Araujo informa katak total dadus kazu konfirmadu nafatin 23, laiha mudansa hosi total konfirmadu nain 1 kuradu.
Total kazu suspeitu 382 komparaho horseik iha 370, kazu provavel nain 4. Total rezultadu laboratoriu sedauk hatene iha 28 no horseik iha 47. Total negatviu sae ba 327, total ema iha kuarentena obrigatoriu ema nain 432, auto-kuarentena iha municipiu 27. Total ema iha kuarentena obrigatoriu iha Dili hamutuk 337 no nain 68 iha municipiu.
Dr. Rui Araujo mos hateten professional saude nain 21 ne’ebe durante ne’e halo serbisu iha kuarentena no fatin izolamentu, kuarentena sira nia aniha hotel. Total ema ne’ebé liu ona periudo kuarentena ka konfinamentu obrigatóriu hamutuk 1643, iha Dili 1309 no iha municipiu sira nain 334.
Ba jornalista Dr. Rui Araujo mos informa katak kazu konfirmadu no kazu provavel ne’ebe iha, sei nafatin restritu ba grupu ka klaster 6.
“Ida ne’e hatudu katak bele iha ona transmisaun lokal, maibé seidauk iha evidénsia kona-ba transmisaun iha komunidade. Ita so bele dehan katak, iha ona transmisaun iha komunidade, wainhira mosu kazu konfirmadu ruma iha populasaun nia le’et, ne’ebé la iha relasaun ho ema sira halo viajen husi fatin afetadu no la iha mos relasaun ho ema ruma ne’ebé konfirmadu ona”, hateten Dr. Rui Araujo iha CCD, 23/04.
