Reportazen Francisco JDA
“ANPM iha oportunidade ba ema ho difisensia sira, hodi serbisu ho autoridade nasional petroleum no minerais, hanesan parte ida atu promove inkluzaun sosial”
Parlamentu Nasional liu hosi Komisaun C ho D halo audensia ho Ministeriu Petroleu Minerais (MPM) inklui ekipa Autoridade Nasional Petroleum no Minerais (ANPM), Timor Gap no Institutu Petroleum no Geologia (IPG) hodi koalia kona ba ezekusaun orsamentu 2020 no programa ne’ebe Ministeriu Petroleo Minerais sei trasa mos iha 2021.
Iha audensia Ministru Petroleum no Minerais, Vitor da Conseicao hateten enkuadramentu Ministeriu Petroleum no Minerais responsavel ba konsesaun ezekusaun polítika enegiatika no gestaun ba rekursus minerais, inklui mos petroleum no mineiro sira ne’ebe estrategiku, ne’ebe aprova ona iha Konselho Ministro, no fo lisensiamentu no regulasaun atividade indústria atu bele fo benefísiu liu hosi atividade minerais ba povu.
“2020 no 2021 iha programa rua ne’ebe relasaun ho gestaun rekursu petroliferos no mos iha boa governasaun, alokasaun orsamentu geral 2020 ne’ebe mai hosi sistema duadesimal to’o agora ezekusaun hamutuk 84,2% ne’ebe fahe ba $27 milloens no $651 mill, ekivale iha kategoria saláriu vensimentus $341 mill alokadu, dadaun ne’e iha pursaun 86,5% falta restante 13,5% ba bens servisu alokadu$611 mill. Dadaun ne’e nivel ezekusaun 88,7% ba transferénsia públikas hamutuk $26, 699 miloens no executadu 95%”, hatete Ministro Petroleu Minerais Vitor da Conseicao iha Paralemntu Nasional, 17/11.
Nia dehan orsamentu ne’ebe ezekuta ba ANPM iha $9,3 miloens , IPG $2,1 miloens no Timor Gap $15,2 Miloens. Tuir planu orsamentu 2021, sei fahe ba programa rua kona jestaun rekursu petrolífera no mos no boa governasaun. Kona ba jestaun rekursu petroliferus kustu annual $84,2 milloens no boa governasaun $1.37 milloens sei fahe sup programa 9 no 27 atividades.
Entertantu Presidente ANPM, Florentino Mateus Fereira iha intervensaun hateten tinan tinan taxa ezekusaun ba ANPM atinji 90 %, maibé iha mos oportunidade ba ema ho difisensia sira, hodi serbisu ho autoridade nasional petroleum no minerais, hanesan parte ida atu promove inkluzaun sosial.
“Ita mos fo valores ba ita nia maun alin sira ne’ebe mak kategorizada hanesan difisentes, proposta orsamentu ba 2021 nian ANPM $9,5 miloens, orsamentu hirak ne’e ho nia objetivu atu diversifika seitor petrolífera hodi fo alternativa ba Timor-Leste, tanba Timor tama iha faze kritika ida. Ita nia kampu sira ida deit, aproxima ona iha tempu badak sei tama ba sensasaun kontratu liliu ba kampu Bayu Undan, presiza buka alternativas atu bele kontinua fila fali fo sustentabilidade ba seitor ida ne’e ba oin”, hatete Presidente ANPM Florentino Mateus Fereira
Iha Fatin hanesan Bankada Opozisaun CNRT, Virginia Ana Belo iha intervensaun hateten, orsamentu boot ida ba iha ANPM $9.5 miloens, ANPM iha reserva rasik ka Lae? Se iha reserva rasik, la presiza husu osan boot para bele hare ba serbisu.
