Home Notisia Arcanjo: Diversifika Ekonomia, Presiza Konsentra Iha Seitor Produtivu

Arcanjo: Diversifika Ekonomia, Presiza Konsentra Iha Seitor Produtivu

363
0
Diretor Executivu Treinvest Timor-Leste, Arcanjo da Silva. [Foto: Copyright revista Macau | 23.11.2020]

Reportazen Francisco JDA

TradeInvest Timor-Leste lansa avaliasaun atendimentu serbisu no promosaun investimentu relatoriu final, mapamentu promosaun no exportasaun, ho objetivu atu hasae liu tan investimentu privadu iha seitor produtivu mak hanesan seitor agrikultura no mapamentu hodi bele hetan dadus digital bainhira empresario sira atu halo investimentu iha municipiu sira.

Diretor Executivu TradeInvest Timor Leste, Arcanjo da Silva iha intervensaun hateten TradeInvest hamriik atu apoia no fasilita empresario no kompania sira ne’ebé investe iha Timor-Leste, liuliu sira ne’ebé hetan sertifikadu ba deklarasaun espesial investimentu.

“Polítiku, tekniku, akademikus, sosiedade sivil, hirarkia Igreja dalabarak ko’alia atu diversifika ekonomia, ita presiza konsentra iha seitores produtivus sira, ko’alia kona ba agrikultura no transformasaun industria”, dehan Diretor Executivu Treinvest Timor-Leste, Arcanjo da Silva iha Fatuhada Tower, 23/11.

Nia dehan durante tinan lima nian laran, TradeInvest hetan apoiu hamutuk $5 milloens atu hala’o nia knaar, simu responsabilidade atu fo atendimentu ne’ebé ho professional, transparante, labele iha nakukun laran, tenki iha independensia no serteza ba empresariu hotu.

Entertantu empresariu Timor, Nilton Gusmao iha nia intervensaun hateten polítika governu ko’alia beibeik kona ba númeru empregu no oinsá atu halakon dezempregu iha Timor-Leste maibé se polítika de’it no la tau atensaun maximo mak sei la avansu.

“Hahú hosi governu se hanoin pro liu ba industria, ha’u fiar industria barak sei mosu iha ita nia rain, sei loke liu tan kampu serbisu ba ita nia komunidade sira, ita la pro ba industria no pro de’it ba komercio tanba ita konsumu produtus ne’ebé la’ós produz iha rai laran, automatikamente ita pro de’it ba komercio nian no ita la pro ba industria, se ita tau industria segunda klase iha ita nia rain rasik,  ha’u pesemista oituan”, dehan Nilton Gusmao.

Empresario ne’e dehan governu hosi orgaun leten liu no to’o Koordenador sira no sosiedade presiza transforma mentalidade presiza atrai investimentu sira.

Iha lansamentu ne’e marka prezensa maioria investedor nasionál no internasionál, inklui Ministro Koordenador Asuntu Ekonómiku, Joaquim Amaral.

Print Friendly, PDF & Email

LEAVE A REPLY

Please enter your comment!
Please enter your name here