Home Notisia Kompania ACELDA Sei Distribui Produto Lokal Liu Hosi Sesta Bazika

Kompania ACELDA Sei Distribui Produto Lokal Liu Hosi Sesta Bazika

590
0
Produto lokal iha progrma Sesta Bajika. [Foto: Copyright Domingos Lopes Antunes | 23.11.2020]

Reportazen Francisco JDA

“Governu presiza halo fali planu ida, hodi iha kontinuasaun tanba bele fo motivasaun ba agrikultura sira iha Timor laran tomak no badinas liu tan serbisu, tanba produtu bele folin no osan bele iha sirkulasaun ba agrikultor sira”. Eugenio

Relasiona ho programa governu konaba Sesta Bázika fahe ai-han ba komunidade sira atu promove produtu lokal, nudar parte ida hosi rekuperasaun ekonomia, fo kbiit ba empresario nasional, supermerkadu sira atu prepara sira nia produtu lokal ba programa sesta bázika.

Diretor Kompania ACELDA, Eugenio da Costa Freitas ba jornalista sira hateten kompania ACELDA prepara ona item 2 hanesan fos rai, foremungu, koto, batar ikis, fehuk, repolho no  seluktan ne’ebe agrikultór sira prepara ona.

“Orsamentu dadaun ne’e ami uza uluk mak ami nian, ami distribui tiha mak hatama invoice ba governu, bele reinbolsa fila fali ita nia orsamentu, nune’e husu governu para aselera pagamentu atu nune’e bele halo sirkulasaun, se governu mak trava entaun hamate fali ami nia suporta ka apoio ba governu ba Sesta Bazika nian”, hateten Diretor Kompania ACELDA, Eugenio Freitas da Costa iha salaun Tower Fatuhada, 23/11

Diretor kompania ACELDA dehan sekarik programa Sesta Bázika ne’e hotu, presiza iha kontinuasaun, labele para tanba mesmu programa Sesta Bázika mak hotu, governu presiza halo fali planu ida, hodi iha kontinuasaun tanba bele fo motivasaun ba agrikultura sira iha Timor laran tomak no badinas liu tan serbisu, tanba produtu bele folin no osan bele iha sirkulasaun ba agrikultor sira no senti iha benefisiu

“Ba faze primeiro orsamentu aloka ba ACELDA hamutuk $114 mill ba ema total 2280,  dadaun ne’e ita fahe uluk ba municipiu Dili, iha suku Hera no aldeia rua, ba oin depende ba governu, no hau prefere liu ba Baucau”, hatete Diretor ACELDA.

LEAVE A REPLY

Please enter your comment!
Please enter your name here